Dule: Këtu flitet vetëm për krizën greke, po ne e dimë sa keq jemi?

Gjatë intervistës së mbrëmshme, kreu i PBDNJ-së, Vangjel Dule foli ndër të tjera në lidhje me situatën e rënduar ekonomike që po kalon vendi, për të cilën të zotët e punës që janë qeveritarët, vetëm tani kanë filluar të belbëzojnë me gjysmë zëri, ndërsa vijojnë të trumpetojnë se vendi ka rritjen ekonomike më të lartë në rajon dhe papunësinë më të ulët.

Sipas tij, në Shqipëri flitet me keqardhje për krizën greke, por nuk merret parasysh rreziku që ne mund të përballemi me një krizë më te thellë se Greqia. “Flitet sot në Greqi për papunësi në 20 %, rroga të ulta. Po në Shqipëri, për çfarë flitet ? Flitet për asistencë që nuk kalon 100 dollarë. Greqia në këto kushte ka kreditë e këqija në nivelin 13 %, tek ne janë mbi 18% dhe askush nuk flet, nuk ka të dhëna realiste. Situata në Greqi ishte shumë më pozitive dhe u zhyt në krizë, merrni me mend çfarë mund të ndodhë në vendin tonë. Është momenti të shikojmë cilat janë pasojat e tre elementëve kryesorë të ekonomisë: remitancat janë zvogëluar, investimet kryesore nga Italia dhe Greqia, të dyja të prekura nga kriza, po ashtu, që janë partnerët kryesorë dhe po japin ndikimet e saj”, - tha ai.

Re.Pu