Delio Rossi kërkon ndjesë për grushtat mbi lojtarin e vet; por me një ‘por’
Delio Rossi ish deri dje trainer i Fiorentinës, që luan në Serinë A të Italisë. Të mërkurën, gjatë ndeshjes së radhës së kampionatit, ai bëri një gjest të paprecedent. Teksa një lojtar i zëvendësuar prej tij doli duke bërë gjeste përqeshëse e duke thënë diçka në adresë të tij, vetë Rossi kthehet vrik dhe i vërsulet me grushta. Ngjarja u filmua e tëra. Presidenti i Fiorentinës, Della Valle, e shkarkoi të nesërmen.
Dje ishte hera e reagimit të Delio Rossi-t. Dhe gjëja e parë që bëri ish të dënonte veprimin e kryer: “U kërkoj falje të gjithëve, njerëzve të Firences, lojtarëve të mij, klubit, dhe Ljajiçit (lojtari, me të cilin u ndesh). Ajo që unë bëra ishte e shëmtuar. Por ....”.
Pati një ‘por’ në ndërhyrjen e vet para gazetarëve. “Por.... ka gjëra, me të cilat nuk bëj dot kompromis. Dhe këto gjëra janë respekti për personin tim, për punën time, për skuadrën e për familjen. Nëse më prekin në këto pika, atëherë .... dhe ta dini që më kanë prekur në këto pika.”
Dhe për ta bërë më bindës ‘por’-in e vet, shtoi: “Nuk kam thënë kurrë që jam Padre Pio”.
Re.Pu.
Comments
O Muç, tani ta kemi mesuar
<p>O Muç, tani ta kemi mesuar permendesh stilin. Vetem nje poliglot si ti mund te kete aftesine te mendoje ne gjuhe te huaj e njekohesisht te shkruaje ne shqip perla frazeologjike si "Dje ishte hera e reagimit...". Apo mos ishte thjesht e perkthyer fjale per fjale?</p>
Add new comment