Alban Skënderaj ka vjedhur këngën prej grekëve – thotë shtypi kosovar

Një pjesë e shtypit kosovar është marë sot me këngën fituese të festivalit Kënga Magjike. Koha Ditore e Bota Sot thonë se kënga e Alban Skënderajt është pothuajse identike me një këngë në gjuhën greke. Të përditshmet e Prishtinës kanë botuar edhe krahsimin me video mes dy këngëve.

Shkruan Koha Ditore: “Në Shqipëri nuk ndodh shpesh që të dëgjojmë këngë, të cilat fatkeqësisht janë të kopjuara nga këngë të huaja kryesisht të vendeve ballkanike, si Greqia, Bullgaria etj. E kjo normalisht ndodh me artiste te dorës së “dytë” apo siç rëndomë quhen pseudo artistët. Por, më befasuese është fakti kur kjo ndodhi shfaqet edhe te këngëtarët e suksesshëm dhe me tepër reputacion në muzikën shqiptare. Gjatë kërkimeve tona në internet hasëm në një këngë në gjuhën greke e cila çuditërisht ishte tepër e ngjashme për të mos thënë identike me këngën “Refuzoj” të Alban Skënderaj, i cili fitoi “Këngën Magjike” para disa ditësh...”

Videot e dy këngëve në adresën:

http://www.kohaditore.com/?page=1,6,123249