Tau-Land Justice për 21 janarin

Ka nisur këto 48 orë një zhurmë e madhe për drejtësinë mbi 21 janarin. Disa audiopërgjime fantazmagorike kanë dalë në skenë dhe në Partinë e Tau-Land Justice janë cilësuar menjëherë si provë për të pasuruar një padi të re kundër Sali Berishës. Sigurisht që Berisha ka mundësinë të bëjë padinë që nuk bëri ndaj Edi Ramës dhe Tom Doshit për thirrje publike për përmbysje të rendit kushtetues, organizim të protestës së dhunshme duke na dhënë një rast të gjithëve ta kuptojmë sesa seriozisht e kishte edhe tezën e puçit që po organizohej. Komisioni Hetimor që u ngrit asokohe ishte pikërisht për të presuar mbi hetimet penale të prokurorisë dhe u mbyll qetësisht me shtyrje afati.

Ajo që del zbuluar nga kjo hiçmosgjë që po shohim është e thjeshtë: Nuk e duan Berishën përballë, nuk e nxorën dot me non grata-n e çuditshme, po përpiqen ta bëjnë me 21 janarin. Kaq është halli i Tau-Jand Justice, drejtuar nga “shtetasi Taulant me numër …” dhe asgjë më shumë.

Heronjtë e vetëshpallur të asaj dite ku kushdo prej atyre që kemi qenë aty- mund të hante ndonjë koqe plumbi kot ndërkohë që të gjithë thoshin vetë “janë manovre” janë shërbyes të vanitetit personal më e pakta dhe shërbyes të përhershëm të zhurmës së paguar, më e keqja.

s.zaimi