Po zgjidhet Presidenti i Republikës. PS shpall preferencat: E duam njeri normal

Kreu i Grupit Parlamentar të Partisë Socialiste Taulant Balla ka njoftuar sot në media se Partia Socialiste ka nisur një process konsultimi për zgjedhjen e Presidentit të ri të vendit. Zoti Balla ka vënë në dukje një zbulim të madh të partisë së tij:

Sot më shumë se asnjëherë ne kemi nevojë për një president normal

Dialog, konsultime, kushtetutë, proces, raunde, rregullore, Kuvend…gjithë këto terma e fjalë që të krijojnë përshtypjen se diçka shumë e rëndësishme po ndodh. Madje diçka më e rëndësishme akoma, diçka Serioze. Po zgjidhet presidenti i vendit, po kuvendon politika. Në të vërtetë politika mund t’ia kursejë të gjithëve këtë shfaqje bajate që është diskredituar prej kohësh. Ne jemi dëshmitarë të lloj e soj presidentëve të ciëlt sa më shumë kalon koha, aq më shumë ua thekson virtytet procedura. Kushtetua flet për cilësi personale, Partia e zotit Balla zgjedh me urdhër të Gramoz Ruçit, Ilir Metën president.

Pastaj Ilir Meta shpallet i çmendur, hetohet, asgjë nuk ndodh. Niset nga e para një proces shumë i rëndësishëm. Kemi nëpër këmbë një njeri si Bamir Topi. Ky ka qenë president, po vallë a sillet më si i tillë? Politikës i duhet shfaqja e procedurës për shkak se ashtu krijon aureola autoriteti. Por ne duhet të marrim seriozisht veten përpara këtyre. Edhe sepse në fakt ai/ajo që në Kushtetutë shpallet si unitet i kombit, ka qenë në rastin më të mirë një moment konsesusi i politikës. Të mos e fryjmë kaq shumë aftësinë tonë për të merituar virtyte.