Unioni i Gjyqtarëve: Na jepni emra për gjyqtarët e korruptuar. Ambasada britanike përsërit: Është ngritur një klikë shumë e korruptuar

Një ditë pasi ambasadori amerikan, Donald Lu, përsëriti deklaratat e tij për korrupsionin në gjyqësor, kreu i Unionit të Gjyqtarëve, Gerd Hoxha, ka reaguar përmes një interviste për A1 Report. “Duke përgjithësuar, duke mos identifikuar personat konkretë, minojmë besimin e qytetarëve tek ajo pjesë e shëndoshë e sistemit të drejtësisë, që për mendimin tim është shumica”, tha ai. Ndërkohë në kuadër të konsultimeve që anëtarët e Komisionit të Posaçëm për Reformën në Drejtësi, është zhvilluar një forum në universitetin “Nehemia” në Pogradec. Aty siç raporton gazeta “Dita” ka dolur edhe i ngarkuari me punë në ambasadën britanike në Tiranë, Stephen Hickling, që ka theksuar se reformimi i gjyqësorit dhe lufta ndaj korrupsionit duhe kuptuar më së pari, si nevojë e qytetarëve shqiptarë. “Nuk duhet ta bëni atë për të mirën tonë, Shqipëria duhet ta ndërmarrë këtë reformë për veten e saj, pavarësisht faktorëve të tjerë...Në zemër të gjyqësorit është ngritur një klikë gjyqtarësh shumë të korruptuar”, tha ai. Sipas tij rryshfetet shpërndahen në disa duar dhe hallka.
s.z