Dialog me Mustafa Nanon
Me ju, zoti Nano, dua të bëj dialog. Më pëlqen ta quaj dialog më shumë sesa polemikë, për arsye se fjala polemikë na fton për luftë. Ajo fjalë rrjedh nga pólemos që do të thotë luftë dhe pólemicos që do të thotë luftëtar. Unë dua dialog, pasi e mendoj e jam i bindur që rruga e dialogut është ajo e duhura në të gjitha fushat e jetës për të çuar përpara një çështje e gjithashtu për zhvillimin e shoqërisë. Ndërsa çdo luftë është një zmbrapsje dhe finalja e një lufte është sundimi, ka një fitimtar dhe një të humbur, ndryshe nga dialogu që ka vetëm të fituar. Dialog është një fjalë që ka në përbërjen e saj dy të tjera, dia (midis, ndërmjet) dhe logos (fjalë, diskutim) e ma ka ënda ta mendoj si një lojë ndërmjet të rriturish që hedhin e presin logos-in me të vetmin qëllim për t’u argëtuar e në fund të kënaqen. Por ama në të njëjtën kohë, sikurse loja i rrit fëmijët natyrshëm e i zhvillon ata, ashtu edhe logos-i rrit personalitetin tonë në qasjen ndaj të vërtetës.
Pas kësaj hyrjeje me natyrë etimologjike dua të bëj edhe një nënvizim të dytë për natyrën e shkrimit tuaj në gazetën ‘Shqip’ të datës 16 prill me titull “Nuk është dhe aq keq të zgjedhësh më pak të keqen”. Në pak raste më kanë hasur sytë nga ju zoti Nano një shkrim që, duke iu kundërvënë dikujt, të jeni edhe i shtruar me të. Unë që ju kam lexuar në shtypin e shkruar, nuk mund të them gjithçka, pasi ju shkruani shumë, kam vënë re se në përgjithësi jeni i ashpër e gati-gati shkatërrues me atë që keni vendosur të polemizoni. Ju polemizoni përnjimend e në atë mënyrën tuaj jeni një polemicos, çka më detyron të mbaj një distancë me ca doza antipatie jo vetëm me termin, por edhe me bartësit e tij, që qëllim final kanë për të fituar e për të mundur kundërshtarin. Të jem i sinqertë deri në fund me ju zoti Nano, kjo më duket tipike revolucionare, në kuptim përkeqësues, pasi ndoshta ka të bëjë me faktin që ju përballë keni pasur gjithmonë njerëz që keni dashur t’i përmbysni (ky është vështrimi më i vërtetë i fjalës revolucion).
Por ama në rastin kur më drejtoheni mua, këtë gjë, të paktën unë, nuk e kam nuhatur. Kjo më jep shpresë se mund të dialogohet ndërmjet personave me bindje të ndryshme, në mënyrë të shtruar e pa dashur të imponohemi. Ky është motivi pse atë mëngjes që lexova replikën tuaj për shkrimin tim me titull “E keqja më e vogël ndërmjet moralit dhe politikës”, unë ju dërgova një sms përgëzimi, edhe pse mund të mos jem dakord me ju në shumë pika. Sigurisht dialogu ndërmjet një prifti katolik dhe një laiku agnostik, sikurse ju e quani veten, është një dialog sui generis e në përgjithësi dialogë të tillë në pjesën më të madhe të rasteve kanë përfunduar në trajtimin e çështjeve morale apo më mirë të themi “rragatja” e dy pozicionimeve morale, njëri laik e tjetri fetar dhe ku ata ndahen e ku takohen? Thellë-thellë edhe tema e të keqes më të vogël është një kategori morale.
Për mua si prift katolik kjo temë, në situatën konkrete shqiptare, nuk mund ta fsheh, është një terren i rrëshqitshëm dhe i rrezikshëm për shumë arsye. Arsyeja më e madhe është fakti se ata që lexojnë përgjithësisht nuk janë të mësuar me angazhimin e një prifti në jetën publike e në kryet e tyre ka shumë mite të ushqyera nga koha e kaluar komuniste. Në nënvetëdijen e njeriut të ri komunist, që vazhdon të gjarpërojë në jetën shqiptare, ende figura e priftit është ajo e filmave të realizmit socialist, si te filmi ‘Komisari i dritës’. Ende nuk jemi emancipuar, d.m.th. çliruar, nga paradigma e këtij njeriu të ri. Por për këtë nuk kanë faj, është proces që do të vijë vetvetiu të sqarohet. Është një terren i rrëshqitshëm edhe për arsye objektive, sepse edhe ky prifti me datë 23 qershor do të shkojë të votojë, sikurse thatë ju, e i duhet të zgjedhë. Nga ana tjetër, sado të tregohesh politically correct, arsyetimi, edhe më objektivi i mundshmi, dashur pa dashur diku do të anojë, por për një gjë jam i bindur, e që ju e keni kuptuar mirë në qëllimin tim, se kurrë nuk do të ngatërroj preferencën time para kutisë së votimit me angazhimin tim publik si prift, duke i qëndruar besnik një parimi të Doktrinës Sociale të Kishës, që thotë se “…Kisha respekton autonominë e ligjshme të rendit demokratik dhe nuk ka tagër të shprehë parapëlqimet për njërën apo tjetrën zgjedhje institucionale apo kushtetuese dhe nuk ka as tagër të hyjë në meritë të programeve politike, përveçse në rastet kur ka implikime religjioze apo morale” (Centesimus annus 47).
Ju keni të drejtë në një gjë. Shkrimi im ka marrë shkas nga ajo çka kam lexuar në mënyrë të përsëritur në Respublica-n që ju drejtoni, sidomos në atë që i përket konceptit të së keqes më të vogël. Gjithashtu, unë mund të bie dakord me ju në shumë pika, sidomos në faktin që përballë kemi situata konkrete e jo teori, kemi data, emra, fytyra, histori që secilit nga ne në fakt i thonë gjëra të ndryshme e kemi edhe kute të ndryshme matjeje për secilin, por ndërmjet shkrimit tuaj dhe timit ka një diferencë substancore që ka të bëjë me perspektivën. Vështrimi juaj nuk është më larg sesa data 23 qershor 2013. Gjithë energjia që ju po derdhni këto ditë në shtyp, në gazeta, në artikuj, në faqen internet Respublica, ka pashmangshmërisht një emër: data 23 qershor dhe një karrige: atë të Kryeministrit të vendit. Ndërsa shkrimi im është akohor, i pakohë, çka do të thotë, ama, jo më pak konkret se i juaji. Ju punoni për 23 qershorin, ndërsa atë ditë unë do të jap kontributin tim vetëm me një votë të fshehtë në fshatin tim të lindjes. Shqetësimi im është më gjithëpërfshirës nga pikëpamja kohore dhe i personave. Unë nuk shqetësohem të punoj kundër një partie a lideri, por pro-njeriut shqiptar e shoqërisë shqiptare. Unë nuk dua të angazhohem për të sjellë dikë në pushtet e as për të rrëzuar dikë tjetër, unë dua që në Shqipëri të ekzistojë një front opozitar moral kundër së keqes që nuk sjell në pushtet askënd e nuk rrëzon askënd, por kthehet në një mur moral kundër së keqes e çfarëdo ngjyrimi qoftë me mekanizma të shoqërisë civile, që në disa mënyra në këto kohë i kanë formuluar disa persona ndërmjet të cilëve dua të përmend analistin Fatos Lubonja (Gazeta Panorama e Mërkure 17 prill 2013).
Unë nuk jam për zgjidhje të treta, të reja sikurse thoni ju, duke iu referuar pjesës së fundit të shkrimit tim. Nuk jam për gjëra të reja, por për të bërë të reja gjërat që janë, për një ripërtëritje afatgjatë. Unë shpresoj, sikurse thotë edhe Elsa Ballauri, “se një ditë do të ndodhë kjo mrekulli: që shoqëria civile ta ndryshojë historinë pa rënë në humnerë”. Kjo mrekulli gjithsesi nuk mund të ndodhë Deus ex machina. Shoqëria civile nuk mund të bëjë asgjë nëse nuk është e shoqëruar gjithsesi me ata burra dhe gra të rreshtuar në partitë e tyre, lëvizjet e tyre, të zgjedhur nga vota e popullit, që në momente udhëkryqesh morale marrin vendime duke iu bindur Zotit apo institucionit të ndërgjegjes së tyre më shumë sesa një lideri apo partie, pasi në vendimmarrje kanë të bëjnë me të tretë, me popullin, e do të kërkohet llogari më shumë për të tretët sesa për veten. Në mos e kërkoftë Zoti, do ta kërkojnë vetë të tretët.
Mapo
Comments
Sado te perpiqet Dom Gjergji
<p>Sado te perpiqet Dom Gjergji nuk arrin dot te mbuloje disa gjera, edhe pse perpiqet te beje publicistin. Feja ka qene bashkepuntore e fashizmit, gjate luftes se dyte boterore dhe kete duhet ta pranoje, dhe jo ta mohoje duke perdorur komunizmin. Fishta, Lef Nosi e shume te tjere kane qene anetare te akademise fashiste. Feja gjithmone ka qene bashkepuntore me politiken, sidomos ne vendet e prapambetrua te ballkanit (Muslymanizmi me turqit, Orthodoksia me Turqit si dhe feja katolike me fashizmi.</p><p>Per historine e Komisari i Drites qe eshte e vertete si histori Dom Gjergji duhet te kete respekt sepse ai ke qene mesues qe i shpjegonte gjuhen dhe kulturen shqipe nxenesve, jo Jezusin.</p><p> </p><p>MERRU ME GJHAKMARRJEN DOM GJERGJI. se po te shfaros besimtaret, ti ngujon, te le injorante, nxit krimin ne familje. BEJI PRESION SHTETIT Dom GJERGJI qe gjakmarrja te pushoje. Me keto merru, nqs realisht kujdesesh per besimtaret e tu. Dhe jo me ckisherime apo inkuzicione por me qendrime ndaj institucioneve.</p><p>Gjithashtu do ishte mire te zbardhje vjedhjet qe ka kryer Rrok Mirdita gjate ndertimit te KAtedralej "Shen PAli"</p><p>nqs keto sa me siper nuk i beni dot merruni me punet e fese, si njeri i zotit qe jeni. per te tjerat vendi ka zot. (nentori i dyte).</p><p> </p>
Qenke nje bolshevik i
<p>Qenke nje bolshevik i pandreqshem or ti zoteri, aq sa po me vjen keq per ty!</p>
vetem paranteza, vetem
<p>vetem paranteza, vetem sqarime per ate qe gjate gjithe shkrimit po prisja qe te vinte (pra, thelbi i debatit) por qe nuk erdhi kurre. </p>
Shkruan Dom Gjergji: "Gjithë
Shkruan Dom Gjergji: "Gjithë energjia që ju po derdhni këto ditë në shtyp, në gazeta, në artikuj, në faqen internet Respublica, ka pashmangshmërisht një emër: data 23 qershor dhe një karrige: atë të Kryeministrit të vendit."
Bash e kunderta eshte e vertete; Mustafai dhe ne te tjeret ketu te respublica nuk e kemi hallin se cili do te ulet ne 23 qershor ne karigen e kryeministrit. E kemi hallin se mos Berisha vazhdon te qeverise si Mugabe. Dhe pastaj, ne moshen 89 vjec, po si ai, garon edhe per nje mandat tjeter, deri ne vdekje... Ky eshte nje shqetesim akohor...
nuk jane aq kunder
<p>nuk jane aq kunder njeri-tjetrit sa duken se i bashkon lufta kunder identitetit kombetar shqiptar.</p>
Kam kaluar shume vite ne
<p>Kam kaluar shume vite ne ambientet e kishes katolike ne tirane e nje gje me ben pershtypje... vijne prifterinj nga shume vende te botes (kryesisht italiane, franceze apo spanjolle) e me shume vullnet sherbejne ne vende te mjeruara te shqiperise, madje jetojne atje me vite si misionare e ne perputhje te plote te parimeve te tyra!!! Madje dhe ne tirane nje pjese e mire e prifterinjve te huaj kalojne ditet e tyre ne babrru, bathore, breglumas, kombinat duke ndertuar shkolla apo duke u marre me aktivitete te ndryshme humanitare. Priftat e rinj shqiptare te katedrales (qe te gjithe jetojne ne super vilen lluksoze perkashi katedrales bashke me ipeshvin qe ka 20 vjet qe ka murgeshat per sherbetore ) jan bere dhe publiciste pale!!!! Ahhh do ishte mire qe ipeshvi (po dhe ju qe e ndiqni) te ndiqte rrugen e At Zef Pllumit dhe At Anton Lulit qe pas shume vitesh burgim zgjodhen fshatrat e shkodres apo kishen e vogel (te shen antonit) ne tirane per te dhene meshe e per te predikuar, po kam frike se keto vende as nuk i dini se ku jan!!!</p>
Respekte Dom Gjergjit, nje
<p>Respekte Dom Gjergjit, nje nga kleriket e vetem shqiptare sot qe angazhohet seriozisht me problemet shoqerore te krejt shoqerise sone dhe mundohet te jape kontributin e tij te frymezuar nga bindjet e tij fetare per permiresimin e shoqerise.</p><p>Edhe njehere respekte.</p>
Nje paragraf i tere per t'i
<p>Nje paragraf i tere per t'i shpjeguar M. Nanos ndryshimin ndermjet fjaleve polemike dhe dialog me duken shume.</p><p>Edhe une hyj tek ata qe nuk e kuptova nga ky shkrim se kush ishte thelbi i dialogut te At Gjergjit, apo me mire cfare ai kerkon pikerisht. Paksa e mjegulluar vjen ideja qe ai eshte per fitoren e te mires se amshuar (ne opozite) kunder te keqes permanente (ne pushtet). Paksa utopike, sipas mendimit tim.</p><p>Ideja e At Gjergjit, se ai eshte per fitoren akohore te se mires, ka kuptim nese kesaj te mire i afrohemi paksa ne 23 Qershor duke ndodhur rrotacioni.</p><p>Zgjedhjet dhe zgjidhjet ne politike e ne jete per mendimin tim jane gjithmone kompromis midis dy alternativave, ku ajo qe do te fitoje do te jete ajo qe eshte me e mire (por jo detyrimisht e mire) ose ajo me pak e keqe (por je detyrimisht shume e keqe).</p><p>Jam kurioz te lexoj vazhdimin e dialogut nga ana e z. Nano, nese do te kete pergjigje nga ai.</p><p> </p><p>Tung,</p><p>Blendi</p>
Eshte nje shkrim i mire dhe
<p>Eshte nje shkrim i mire dhe nuk fyen asnje njeri pervec amoralitetit qe ka shoqeria jone. E them shoqeria jone se ne jemi bere te gjith korruptues dhe te korruptuar. Te gjith ne shkelim moralin sepse ne momentin qe duam nje gje fusim nje mik, ose duke i dhen dikujt nje bakshish per te marre shumicen e kohes ate qe nuk na takon, nje sherbim te padrejt. Ne ketu jemi dhe i kemi pare te gjith keta qe kemi larte, majtas, djathtas dhe ne te kater anet, i kemi pare se sa te paftyre behen kur kane pushtet dhe morali i tyri futet i gjithi ne nje kulet dhe dy te mira te padrejta per vete dhe ata qe e rrethojne. </p><p>Ne duhet te mendojme per te ndertuar nje shoqeri me moral qe nuk e ndertojn dote asnjeri nga keta politikan qe kemi sot, asnjeri prej tyre nuk ka moral per te folur per drejtesi, per ndershmeri dhe per zotesi ne ngjitjen e tije drejt pushtetit...te gjith pa perjashtim jane imoral dhe hajdut ordiner sepse e kemi ne gjak vesin. E kemi ne gjak sepse e gjith historia jone si popull ka qene shtypja dhe servilizmi, ne pak zona qe nuk jane shtypur sot i sundon varferia dhe ato vlerat e tyre reale nuk rrezatojne dote sepse edhe arsimimi i tyre nuk eshte i plote dhe besoj se eshte len me dashje nga hajdutet ordiner oriental qe kemi ne kete shoqeri. </p><p>Shpetimi i vendit besoj se do vinte nese vendoset te vendoset ne Kushtetute qe asnje Shqiptare te mos kete mundesi te jete me shum se 4 vite Kryeminister ne kete vend te pakten edhe 20 vite sa te ndertohet nje drejtesi me e mire dhe pa kete moral qe ai qe abuzon me shum eshte me i zoti, ne i thurim lavde hajdutit dhe vrasesit si shoqeri...ketu nisen ndryshimi...</p><p>Per "mika" do thosha se duhet te lexosh edhe ndonje gje tjeter pervec veprave te Enverit...</p>
Mimika keni mëse të drejtë
<p>Mimika keni mëse të drejtë nuk i heqë asnjë presje përshëndetje</p><p> </p>
Edhe Jezusi fali nje lavire
<p>Edhe Jezusi fali nje lavire si nje "e keqe e vogel"...A e dinte Jezusi se perhapesit e fjales se tij do ishin "te pameshirshem ndaj te keqes dhe te pamoralshmes" ?. Po ja, fakti eshte qe nje lavire eshte nje "valvul shkarkuse" mungesa e se ciles rezulton ne katastrofe ,dhune kur "presioni" ka arritur ne maksimum . Jezusi qe sigurisht s ishte per nje shoqeri te dhunshme transmetoi mesazhin: Duhet ta falim "nje e keqe "e vogel dhe e pamoralshme" nese efekti pozitiv i saj ne shoqeri eshte superior ndaj efektit negativ....</p><p>Duhej te "shkarkohej" dhe Jezusi ndonjehere ...Nuk e dinte Jezusi se pasardhesit e tij do digjnin Xhordano Brunon sepse beri nje "te keqe te vogel" u hapi syte njerezve....Te njejten te keqe qe beri dhe "komisari i Drites"....Thjesht "gaboi" duke u hapur syte njerezve....Dhe pasuesit e Jezusit "nuk falin" , nuk bejne "polemika" por te djegin ne turren e druve.....</p><p>Fjalet mund ti perdoresh sipas qefit, por instikti i mbijeteses ka vetem nje opsion Shmangie e Katastrofes. Ne shoqeri ku presioni eshte ne maksimum "nje lavire" qe sherben si "valvul shkarkimi" eshte nje e keqe e vogel dhe e pamoralshme" qe vete Jezusi e pranon dhe e fal......Midis DJALLIT dhe LAVIRES , Jezusi zgjedh "bashkepunetoren e djallit", "Shtrigen", LAVIREN.....(e keqe dhe e pamoralshme)....Po a do e fajesojme Jezusin per kete?. Per Z Meta duket se po.</p><p>Ne fakt Z Meta presupozon se egziston "Lavirja " por jo "djalli" .A mos valle kjo vjen si pasoje e LARGPAMESISE....Sa largpames eshte dikudh qe s sheh "djallin " para hundes".</p><p>Sa per komunizmin:Kisha eshte nje lavire, nje e keqe e vogel qe i duhet shoqerise. Komunistet u perpoqen ta pastronin shoqerine nga kjo "e keqe e vogel " "e pamoralshme". Duket se deshtuan; ne mungese te nje alternative duhet ta pranosh "ate te keqen e vogel" sepse presioni rritet aq sa con ne shperthim,katastrofe. Prandaj eshte e pafalshme "qe e keqja e vogel" te barazohet me katastrofen....</p><p>Me mire nje besim fetar qe i mban njerezit "me shprese" (e kqe e vogel) se sa nje shoqeri pa besim fetar ku njerezit s dine ku ta gjejne shpresen(e kqe e madhe)....Mbaji njerezit me shprese Z Gjergj Meta...E ben ate ne kishe , por s te ben keq ta besh dhe ne media....Gjithesesi, eshte pozitiv fakti qe angazhohesh dhe jep opinionin tend ne shkalle me te gjere se kisha apo komuniteti te cilit i sherben. </p><p> </p><p> </p><p> </p>
E para Dom Gjergji nuk po ben
<p>E para Dom Gjergji nuk po ben debat apo polemike siç e quan ai por thjesht dialog. Nese behet fjale per justifikimin e aleances lsi-ps nga Nano, kjo behet ne kontekstin e zgjedhjeve dhe nese kjo aleance eshte pa moral apo e keqja me e vogel serish ke zgjedhur te keqen. Kjo zgjedhje behet per hir te 23 qershorit dhe kjo justifikohet deri ate dite sipas Nanos, tjeter gje mendon dom Gjergji dhe ka te drejte. Ne jete ndodh qe te kapercesh shume gjera, ka gjera qe kane shije te hidhur ashtu sikurse ngjarje qe lene ere te keqe, kesaj te dytes i meshon prifti.</p>
Prifti e ka byrekun te pjekur
<p>Prifti e ka byrekun te pjekur or mik ndaj dhe ben per qejf teorira me qiell e hene, por per ne te vdekshmit kjo jete eshte reale dhe evetem kete kemi. Ka 2000 mije vjet qe ben moral Krishti e Muhameti bashke po asnje i korruptuar nuk eshte penduar ende. Valle e di prifti se e 'drejta pa forcen s'ka vlere'? Nje prift tjeter e ka thene....</p>
Nje sqarim rreth
<p>Nje sqarim rreth terminologjise. Ideja se shprehja "polemikë na fton për luftë" eshte e pasakte dhe shtremberon kuptimin e fjales " polemikë" pamvaresisht nga orgjina e fjales "polemos". Kuptimi tekstual i fjales "polemikë" ne gjuhen shqipe, ashtu si dhe ne anglisht, eshte " kritike e ashper me fjale apo tekst" (sipas Fjalorit Grek, botim i Mizon") dhe jo ftese per lufte sic interpretohet nga kleriku i nderuar, ndoshta per mosnjohje te thelle te gjuhes greke. Dhe kjo eshte nje forme ligjerimi ashtu sic eshte dhe dialogu. Madje ne tekstet antike shkruhet psh "qendrim polemik i Sokratit kundrejt fjales se shkruar" qe shpreh qendrim e tij kritik ndaj fjales se shkruar (Soktrati nuk la asnje tekst te shkruar) . </p><p>Pa dashur te rrezoj konceptin e klerikut te nderuar per dialog, dmth per zgjidhje te problemeve pa arritur ne shkallen e kritikes se ashper, dua te theksoj se dialogu (dmth bindja e kundershtarit neper mjet fjales) kerkon dy pale. Kur koncepti qe ka nje njeri i zakonshem psh per presidentin qe duhet te jete president i te gjitheve dhe jo i nje partie, nuk pranohet nga nje pale qe ka fuqi vendim- marrese, atehere dialogu ketu eshte i kote. Kritika e ashper ne shkallen me te larte ndaj ketij gjesti arbitrar eshte e vetemja qe ngelet. Dhe kur thuhet kritike e ashper nuk kam prasysh gjuhen vulgare te kryetares se parlamentit. Ketu kjo kritike e ashper, kundervenie apo polemikë, nuk synon ti mbushe mendjen kundershtarit i cili me ndergjegje kryen nje akt publik ne interes te nje grupi njerezish dhe jo ne interes te shumices. Polemika ne kete rast synon ta cvleftesoje kundershtarin ne opinionin publik, qe kur te vije dita per te votur, cdo person i papolitizuar te dije se ku ta hedhe voten.</p><p>Gjithashtu qendrim polemik nuk dmth qendrim per lufte, por mospajtim me nje ide, platforme apo gjendje, qofte kjo ekonomike, politike apo shkencore dhe aktivizim per ta ndryshuar ate. Dhe eshte shume e sakte qe Nano ben polemike me faktore te ndryshem politike duke shprehur qendrimin e tij te ashper ndaj tyre ku kulminojne psh ngjarjet si ato te 21 jenarit, vendimit te gjykates e cila ariti ne verdiktin e pafajesise se krimineleve etj . Por ka dhe shume artikuj te Nanos te cilet nuk jane te stilit polemizues, por dialogues, ku analizohen problemet nga disa kende veshtrimi dhe autori ketu dialogon argumentat e tij me palen degjuese. </p>
z.prift fjala polemicos nuk
<p>z.prift</p><p>fjala polemicos nuk do te thote luftetar sepse keshtu sic e keni shkruar ju ne gramatiken e gjuhes</p><p>greke kjo fjale eshte mbiemer(epitheto).</p><p>Do te ishte e drejte nese ne vend te fjales polemicos te shkruhej fjala polemistis.</p><p> </p>
Z.ofside! Ta kam spjegue un
<p>Z.<strong>ofside</strong>! Ta kam spjegue un ne komentin para komentit tand se çka asht fjala polemike.</p><p>E ne qoftese ti nuk e kupton ate qe te kam spjegue un nga Wikipedia, atehere kerkoja spjegimin zotni hoxhes tand se duket se ti e kupton hoxhen injorant ma mire se priftin e shkolluem. Ha,ha,ha.</p>
Shkrimi eshte i mire,edhe une
<p>Shkrimi eshte i mire,edhe une jam i mendimit qe z.Muçi nuk mund te justifikoje me nje shprehje biblike keto ngjarjet e fundit.E vertete qe jemi mekatare dhe perpiqemi te ndreqemi,por kjo brenda karakterit tone,ndersa personazhet qe udheheqin eshte fatale ti ripropozosh serish e serish,me shpresen se keta qe kane bere faje nja dy-tre here do"ta kuptojne"gabimin e do ndreqen.Meqe udheheqes nuk jane me miliona,mire eshte ti lene vendin tjetrit;kjo eshte demokracia dhe ky eshte rregulli.Une besoj se z.Muçi mund te hedhe ne debat psh,numrin e deputeteve.Kemi shume deputete,140 jane shume e teper.Une mendoj se me pak tolerance mund te ishin rreth 80,asnje me teper.Ndersa z.Gjergj e falenderoj sinqerisht,sepse i jep debatit ate embelsi morale per te cilen kemi nevoje.Polemike vjen nga Polemos(sinonim i Aresit apo Marsit,hyut te luftes),por qartesisht eshte adoptuar ketu e 2000 vjet simoter e debatit te ashper.Revolucion nuk nenkupton permbysje,as ka te beje me Revolen(nga e cila po them kot une se rrjedh);revolucion do te thote ndryshim rrenjesor.Po hajde,gjera pa rendesi keto,ne krahasim me leitmotivin e shkrimit,qe e ritheksoj te vyer e te nevojshem.</p>
Add new comment