Le të qëllojë i pari me gurë ai që është i pamëkat!

Mustafa Nano

Në pasditen e pardjeshme u mblodhën disa dhjetëra socialistë përpara pallatit ku banon Kastriot Islami, dhe zunë të protestonin kundër deputetit që është zgjedhur me votat e tyre katër vjet më parë e që e ka bashkuar votën e tij me mazhorancën në momentin kur u bë votëbesimi i qeverisë, e sidomos në momentin kur Berisha bëri, siç e quante ish-ambasadori John Withers në një intervistë për “Shqipin” e djeshëm, një grusht shteti administrativ. Protesta e atyre dhjetëra vetëve ishte thjesht bartje në rrugë e zemërimit të deputetëve socialistë në momentin e votimit për shkarkimin e Ilirjan Muhos nga posti i anëtarit të KQZ-së.

“Një reagim spontan” i quante te “Panorama” Gazmir Bizhga tonet e veta hakërruese në adresë të Islamit. E nuk ka pse ta vëmë në dyshim spontanitetin e reagimit të tij, apo edhe e të tjerëve tok me të. Ishte një situatë e tensionuar, ku reagime të tilla janë të pritshme. Sidomos në Parlamentin shqiptar, ku herë të tjera kanë ndodhur gjëra shumë më të rënda. Por ishte një reagim i gabuar, megjithatë. Bizhga këmbëngulte në intervistën që i kish dhënë “Panoramës” së djeshme, se “nuk kam pse pendohem, pasi jam sjellë ashtu siç do të sillej çdo koleg tjetër që ka qenë në opozitë këto tetë vite”.

Të kuptohemi, nuk është se në Parlament ka ndodhur ndonjë hatá, e në këtë kuptim nuk ka nevojë të dramatizohet më shumë sesa duhet, por turma që bërtiste poshtë shtëpisë së Islamit “poshtë tradhtari”, “Kaçi i zi” etj., etj., është një precedent që duhej ndaluar; në mos, duhej qortuar e denoncuar në momentin që ndodhi. Presionet e turmave të militantëve partiakë e politikë te dera e shtëpisë janë një gjest i frikshëm. Secili bën mirë të projektojë veten e vet te personi i dhunuar në rrethana të tilla. Atë që ia bëjnë sot “me hak” Islamit mund t’ia bëjnë kujtdo tjetër “fare pa hak” në një rast tjetër. Turmat janë shumë tekanjoze sa herë u duhet të zgjedhin dikë për tabelë qitjeje.

Kjo është e para. Por ka dhe një arsyetim tjetër. Politikanët shqiptarë, sidomos deputetët e këtij Parlamenti, janë të parët që duhet të provojnë njëlloj njëjtësimi empatik me “viktimën” Islami. Është gjëja më e kollajtë që në Shqipëri të mbledhësh disa dhjetëra vetë kundër secilit prej tyre, e po për të njëjtat motive që iu vërsulën Islamit. Islami nuk është një rast sui generis në politikë, nuk është një “shpikje politike” e këtyre ditëve. Islami është prototipi i politikanit shqiptar të dy dekadave të fundit, d.m.th. i arrivistit të paskrupullt, i njeriut të pa dinjitet, pa ideal, i njeriut që çfarë nuk do të jepte për të mbajtur atë karrige që ka. Janë të shumtë pra deputetët si Islami. Ajo që bëri Islami në Kuvend është një gjest i shëmtuar, por është hera për t’iu drejtuar deputetëve socialistë me frazën që Dhjata e re, në të katër versionet, e vë në gojën e Jezu Krishtit në rrethanën që këtij të fundit turma i nxjerr përpara një grua që kish tradhtuar të shoqin, dhe i kërkonte miratimin për ta lapiduar: “Ok, i pari le ta qëllojë me gurë ai që ndër ju është i pamëkat”. E dini se ç’ndodhi pas kësaj përgjigjeje të Krishtit? Të gjithë, nga më i moshuari deri te më i riu, u larguan një e nga një, pa u ndier e si të zënë në faj.

Dua të them se Islami duhet mirëkuptuar në këtë që bëri? Jo, aspak; dua të them se Islami nuk mund të kryqëzohet e linçohet nga sivëllezërit e tij. Janë shumë të paktë ata që, me të marrë vesh se Rama nuk do t’i përfshijë në listat e kandidatëve për deputetë, do ta vuanin në heshtje këtë fakt, nuk do të ndërmerrnin iniciativa me synimin për ta dëmtuar Ramën, apo nuk do të flirtonin me kundërshtarët. Ja, Rama e bëri me tre vetë, me Kastriot Islamin, me Kadelin e Lezhës e me Dogjanin e Kukësit, dhe që të tre u hodhën në prehrin e Berishës, duke demonstruar se PS-ja për ta nuk vlen as njëzet qindarka, nëse “bytha e tyre nuk mbetet në karrige”. Dhe që të tre kanë qenë socialistë “të thekur” deri në momentin që e kanë parë veten jashtë listave të Ramës. Pse nuk duhet të mendojmë se edhe të tjerët do të silleshin në të njëjtën mënyrë? (Në kampin e Berishës kjo nuk ndodh pothuaj asnjëherë, s’ka gjë se listat e kandidatëve edhe ai i bën me të njëjtën logjikë si të Ramës, d.m.th. me idenë për të pasur në Parlament mbështetës besnikë; pse me Berishën nuk ndodh, vallë?)

Vini re sjelljen e këtyre ditëve të një numri deputetësh, apo personazhesh publike që kanë ambicien për të qenë deputetë! Po shklyhen më dysh për t’i rënë në sy boss-it të tyre, po bëjnë çmos të japin prova besnikërie e luajaliteti, po bëjnë shkrime pas shkrimesh me lajka për të, po bëjnë të fortin me kundërshtarin politik të tij. Shkurt, po përpiqen të bien në sy të kryetarit të partisë, e po i përcjellin mesazhin: Mua më ke tëndin, më ke me vete, më ke besnik deri në fund, kurrë nuk do të zhgënjej.

Ecim më tutje. Dukuria “Islami” është në thelb “dorëzimi e nëpërkëmbja që dikush i bën vetes për pakëz pushtet, apo me fjalë të tjera, përdorimi që i bëhet dikujt në këmbim të shërbimeve që ai ofron”. Bizhga e Co. janë zemëruar në këtë rast, por ata merret vesh se nuk e kanë me dukurinë. Po ta kishin me dukurinë, do ta kishin ngritur zërin me kohë, sidozot kur Dritan Prifti përdorej si mos më keq, kur po Dritan Priftit iu dha shkelmi pas ca muajsh, e kur po i njëjti person, Dritan Prifti pra, vijon të kërkojë shtigje të tjera për të mbijetuar në politikë. Po ta kishin me dukurinë, do të duhej ta kishin ngritur zërin edhe tani me kërcimin që Meta bëri nga Berisha te Rama. Është e njëjta gjë, apo jo? Vetëm se në rastin Islami, “të tradhtuarit” janë socialistët, ndërsa në rastin Meta, “të tradhtuarit” janë demokratët.

Me sa më sipër dua të them se askush nuk ka të drejtë ta veçojë Islamin si devijim prej ‘racës’. Është krejt e kundërta. Islami është qenia përfaqësuese e ‘racës’. Secili prej politikanëve e deputetëve, dhe ata që iu vërsulën në Kuvend, është një Islam; është një Islam të paktën me këtë gatishmërinë e vet për të ngritur zërin jo kur shfaqen Islamë në politikë, por kur Islamët dalin kundër tyre. Dhe vazhdojnë ta bëjnë këtë luftë kundër Islamëve deri sa vjen një moment kur Islamë janë vetë ata. Kështu ndodh gjithmonë, kur njerëzit i pikasin veprimet arbitrare, të padrejta, të pamoralshme, të dhunshme, të paskrupullta të të tjerëve veç kur viktimat janë vetë ata, e as u shkon në mendje t’i pikasin kur viktimat janë të tjerë. Mirëpo, njerëz të tillë nuk kanë të drejtë të ankohen, të zemërohen e të kërkojnë solidaritet. Kush nuk jep solidaritet, nuk ka të drejtë ta kërkojë atë.

Ia vlen të përmendet ajo mea culpa anekdotike e atij pastorit luteran të Gjermanisë së paraluftës së Dytë Botërore, që është përsëritur këto kohë nga më shumë se një njeri:

“Nazistët fillimisht u morën me komunistët, por unë s’bëzava, pasi nuk isha komunist. Pastaj, ata u morën me socialistët, por unë prapë s’bëzava, pasi nuk isha socialist. Më tej ata u morën me sindikalistët, por unë e mbajta po njësoj gojën mbyllur, pasi nuk isha sindikalist. Më tej, ata iu sulën hebrenjve, por unë heshta, pasi nuk isha hebre. Në fund, ata erdhën tek unë, por nuk kish mbetur asnjëri që të thosh një fjalë për të më marrë në mbrojtje.”

Shqip

Comments

po qëlloj unë atëhere, sepse

po qëlloj unë atëhere, sepse pasazhi "Biblik" është fals

Shkrimi i Nanos eshte shume ,

Shkrimi i Nanos eshte shume , shume i sakte, dhe duke pare reagimet e trapave ketu ne komente  behet akoma me urgjente kritika ndaj atij mititngu spontan kunder Islamit Edhe ajo thenia ne fund te shkrimit eshte perfekte, ndaj duhet te gjithe te ngrihen kunder ketyra akteve barbare , sic ishte ajo proteste tek shtepiae Islamit Eshte e paimagjinueshme si kane vajtur turmat atje tek shtepia e tjetrit te protestojne, sikur jemi ne kohet e inkuzicionit mesjetar

Nje koment i shkurter: kjo

Nje koment i shkurter: kjo analize eshte tejet naive, ne Itali do ta shkruante vetem nje gazetar provincial!Edhe thenia e fundit permbyllese eshte e shtremberuar dhe e gabuar ne autoresi dhe kronologji kohore.Nese deri dje kisha nje konsiderate pozitive per ju z.Nano, me kete artikull sot humbet shume pike.

Saktesoje atehere edhe per ne

Saktesoje atehere edhe per ne te tjeret, se te tille e njohim. Kjo mbajtja e pozicionit te kritikut ne cdo cast; edhe e vleresuesit, sikur eshte bere shume acaruese ketu ne blog.

RE: "... them se askush nuk

RE: "... them se askush nuk ka të drejtë ta veçojë Islamin si devijim prej ‘racës’. Është krejt e kundërta. Islami është qenia përfaqësuese e ‘racës’. Secili prej politikanëve e deputetëve, dhe ata që iu vërsulën në Kuvend, është një Islam..."

Diagnoze saktesisht e formuluar!

Ne shkrimin tuaj zoti Nano ve

Ne shkrimin tuaj zoti Nano ve re nota mjaft arrogante dhe gjithashtu besoj se fyeni intelektin e shume prej lexuesve tuaj ne kete faqe online. Ju jeni arrogant kur ofendoni profesor Islamin dhe jepni leksione per dhjaten e re, qe besoj nuk keni as njohurit me minimale, sepse te krahasosh prostituten qe pershkruhet ne Bibel me Islamin nuk eshte e njeta gje. Ke tradhetoi Islami?? Besoj se e dini qe ai nuk eshte pjese e grupit parlamentar te PS. Votuesit socialist? Nuk e besoj sepse shqiptaret nuk votojne per deputetet, por per partine, do te ishte ndryshe ne nje sistem te paster mazhoritar. Edi Ramen apo Ju?! Titulli i shkrimit tuaj eshte blasfemi...

"Kush nuk jep solidaritet,

"Kush nuk jep solidaritet, nuk ka të drejtë ta kërkojë atë.". E pergezoj Mustafa Nanon per kete shkrim te shkelqyeshem.

Per disa komentues. Thelbi i

Per disa komentues.Thelbi i ketij shkrimit asht ky: "Kush nuk jep solidaritet, nuk ka të drejtë ta kërkojë atë.".Prandej komentet duhet te perqendrohen ne kete shprehje sintetike e jo ne ndonji krahasim o referim, qe ua vret veshin o mendjen e tyne te ngushte.

"Askush te mos gjykoje

"Askush te mos gjykoje Islamin", "Askush te mos mendoje per koalicionin e qelbesirave", "vetem te pafajshmit dhe ata pa mekat lejohen te ngrene dore--"e thene ndryshe,-- "mbyllni syte, veshet, hundet, mbulohuni me batanije se syte ju genjejne, veshet ju mashtrojne, logjika eshte nje rrene e madhe, morali nuk ekziston, ideologjia eshte iluzion,  besimi ne diçka eshte tipar i qenieve ne zhdukje"; Ose, ose: "Pelqejeni kete gjelle, eshte e shpifur, por te kenaq plencin, mos e vrisni mendjen nese do te arrijme ndonjehere ta dhjesim kete qe po hame sot, kapslleku moral nuk eshte semundje vdekjeprurese" ....optimizmi dhe morali neolibertin i gomarit, i cili, nderkohe qe ujku e kafshon ne bythe, ngushellon veten duke thene: "Do zoti e gjithe kjo eshte nje enderr e keqe!"

Ka shume pasaktesira ne kete

Ka shume pasaktesira ne kete shkrim (dhe nuk po i futem fare pasazheve te cituara).Se pari duhet nisur me ate cka perfaqson Islami ne politiken shqiptare.(1) Islami ka ate karrige deputeti dhe merr ate rroge qe merr pasi e ka besuar nje pjese e elektoratit qe mbeshtet qartazi PS-ne (apo koalicionin e saj). Pra rasti del pertej vlerave personale tek nje pergjegjesi qe ke ndaj atyre qe te paguajne rrogen qe te mbajne me buke dhe qe shohin tek ty zerin per perfaqsim tek ajo ndertese ku varen fatet e tyre.(2) Ka qene nje nga hartuesit kryesor te kodit elektoral qe e ka bere politiken nje bordello te madhe ku gjithsecili lufton jo me per te pefaqsuar por per te vjedhur nje mandat dhe per ta shitur me pas ne nje ankand sklleverish.(3) Ka marre ne vazhdimesi mbeshtetjen e elektoratit te Mallakastres si i majte i deklaruar.(4) Ka pasur perfitime/vleresime nga e majta (deri dhe kryetar parlamenti e minister i jashtem/financash, etj).Tani te kthehemi tek guri. Ne rastin e te perdales se bibles ceshtja eshte morale (pra morali shoqeror) dhe personi qe flet eshte Jezusi (biri i Zotit). Pra analogjia eshte e cale Muç! Ne rastin e Islamit ceshtja nuk eshte thjesht morale, nese Islami do kish tradhetuar gruan e vet (fjala qe bie), asnje nuk do ishte ngritur te protestonte para shtepise se tij (fatkeqesisht tashme!). Por asnje nuk do ta ndalte gruan e vet t'i jepte nje shuplake/kepuce kokes/forme tjeter proteste (dhe as ti Muc nuk besoj se do kishe shkruar per t'i kujtuar rastin e Jezusit). Ne rastin qe ai ka shitur elektoratin e vet, ndryshon puna, tani te gjithe jane ne pozicionin e gruas/burrit se tradhetuar dhe madje ligja kudo ne bote i njeh te drejte deri dhe pasurore hakmarrjeje.Une nuk e kam ndjekur rastin e protestes ne media, por nese ajo nuk ka qene e dhunshme nuk shoh asnje problem me te. Dikush duhet te te kerkoje llogari pasi ne fund te fundit paguhesh me taksat e atyre njerezve dhe ata shpresojne qe ti te besh ate pune per te cilen te kane besuar (ty dhe partine tende per te cilen iu ke kerkuar voten). Ndoshta shtepia nuk eshte vendi i duhur, pasi familja e Islamit p.sh. nuk ka pse mban pergjegjesine per veprimet e tij. Ndoshta perpara parlamentit do te kishte qene vendi me i duhur.Jam dakort me shkrimin ne pjesen qe turmat manipulohen dhe mund te jene te rrezikshme nese jane te pilotuara drejt dikujt (mos harrojme qe nje turme te lincon kur te duash nese ka nxitjen e duhur dhe disa elemente dhunenxites brenda). Dhe kjo as qe ka diskutim. Nuk duhen inkurajuar keto protestat perpara shtepive. POR, nga ana tjeter kjo nuk do te thote qe duhen dekurajuar protestat ne pergjithesi, dhe aq me pak protesta te ketij tipi! Une mund te kem mekate mbi shpine, por kjo eshte pergjegjesia ime personale, nese une kam tradhetuar/vjedhur punedhenesin tim kjo eshte pergjegjesia ime shoqerore (dhe penale po te duash). Ky kod zgjedhor e inlurajon kete ne maksimum dhe per kete (nese nuk ndryshohet) duhet shoqeruar minimalisht dhe me nje kod etike te sjelljes se deputeti. Eshte minimumi i respektit per ata zgjedhes qe menyre te shprehjes kane vetem voten (dhe jo ekranet tuaja!!).

Rreth komentuesit

Rreth komentuesit “Asteriks”: Nuk e kuptoj se pse shkruen anonim, ke ka frige gjanem? Te dalish me emen dhe mbiemen asht nji knaqesi e veçante dhekontribut  i mire per forcimin e demokracise.<o:p></o:p><o:p> </o:p>“Tani te kthehemi tek guri. Ne rastin e te perdales se bibles ceshtja eshte morale (pra morali shoqeror) dhe personi qe flet eshte Jezusi (biri i Zotit). Pra analogjia eshte e cale Muç!<o:p></o:p><o:p> </o:p>Se pari parimet morale jane per njerz qe kan moral, qe sillen gjithmone dhe me gjithkend ne te njajten menyre, qofte ne familje, qofte ne shoqni e qofte ne politke. Nji njeri nuk ka dy o tri o kater morale apo menyra sjelljeje, por njeriu sillet simbas kriterit apo moralit te tij. Kush nuk ka karakter/moral, sillet ne familje ndryshe, ne shoqni ndryshe dhe ne politike ndryshe. Prandej shprehja e Asteriksit”  “Ne rastin e te perdales se bibles ceshtja eshte morale (pra morali shoqeror)” me duket e gabueme.<o:p></o:p><o:p> </o:p>Se dyti nuk jam dakort me pjesen e dyte te shprehjes se Asteriskut ku thote “dhe personi qe flet eshte Jezusi (biri i Zotit)” . Pse nuk jam dakort?<o:p></o:p>A asht Jezusi biri/i derguemi i Zotit o nuk asht Biri/derguemi i Zotit; apo Muhameti asht i derguemi i Zotit apo nuk asht i derguemi i Zotit, se pari na duhet te pranojme ekzistencen e Zotit e mandej si pike e dyte te pranojme se jane te dreguemit e Zotit. Por per deri sa vete ekzistenca e Zotit i perket besimit ose mosbesimit, na kur diskutojme thanjet e tyne nuk mund ti referohemi Jezusit o Muhametit si te dreguem te Zotit.<o:p></o:p>Ne nji pike jemi te gjithe dakort, perfshi edhe teologet perkates, se Jezu Krishti dhe Muhameti kan qene njerz real, me mish e me gjak. Keto kane qene figura reale njerzore dhe jane fute ne historine e njerzimit. Keshtu nuk ishte e nevojshe ne kete diskutim qe Asterisku te thonte “Jezusi (biri i Zotit)”, aqe ma teper qe injorantet fanatike musliman qe nuk e njohin Kuranin, ku Jezusi/Isai asht pejgamer i Allahut/Zotit nderohet se bashku me nanen e vet Marie/Mejremen. Keto injoranta porsa ndigjojne emnin e Jezusit, terbohen, egersohen dhe flasin perçarte e kuturù si dema te terbuem dhe te verbuem a thue se flitet per dreçin dhe jo per pejgamerin Isa. <o:p></o:p>Prandej disa komentues ketu jane terbue per shkak te “fajit te pafalshem” te Mustafa Nanos qe i referohet thanjeve te Jazu Krishtit (njeri). Jo mor zotni, Jezu Krishti ka qene njeri real dhe ka thane mendime reale simbas te cilit duhet tolerance dhe duhet qe se pari gjithkush te shohin ma pare fajet e veta. Jezu Krishti (si njeri) nuk ka thane te luftohen o te vriten ata qe nuk e mendojne si ti!! As nuk ka thane qe te mbyeten me gur, as qe ti pritet koka. “Falja” asht fjale e Jezu Krishtit. <o:p></o:p>Ne qoftese ti nuk e beson se Jezu Krishti ka qene Biri i Zotit, ate mbaje per vehte sepse asht çeshtje personale. Asnjeri nuk te thote gja, por mos u terbò si dem i verbuem kundra NJERIUT qe perdore fajlen e tij te mire.<o:p></o:p><o:p> </o:p>Nji sugjerim per z.Mustafa Nanon: Tjeter here mos e permend emnin e Jezu Krishtit, por mund te thuesh keshtu ka thane hazreti Isa.<o:p></o:p>

Kjo eshte Rilindja e Ed

Kjo eshte Rilindja e Ed Rames. Perse nuk i coi Ilir Metes ndonje turme militantesh ne Gji te Lalzit? Apo kish frike se mos trembeshin ngjalat??

Ah po foli edhe i perdhunuari

Ah po foli edhe i perdhunuari (nga Vatikani) ne trurin e vogel, Pal Tedeskini, u sistemua edhe kjo pune. Ky trupak vetem kur te mbylle syte e te kaloje ne te pertejmen, do te shohe pafundesine e idiotesise se nje jete te hedhur dem per kauzen e [fese se vet]

Muç, te kujtohet DaVinçi si

Muç, te kujtohet DaVinçi si thoshte "e pur si muove", E megjithate ai nuk eshte veç nje tradhetar i interesave te atyre qe e kane votuar. Hamza eshte, bastard, sahanlepires, edhe pse i shkolluar me parate e shqiptareve.

Shume reagime dhe

Shume reagime dhe interesante. Jane te tilla  sepse:  te para ne permbajtje dhe si statistike, tregojne pamundesi fizike dhe morale per peshembajtje te metjeshme te halleve publike qe u rendojne mbi shpine ( u jane bere nervat kacurel ). Pra  nuk tregojne  ndjenja sipas linjes se drejte logjike qe ndjek M.Nanos. Dhe une jam me njerezit jo me normat morale - ne nje fatkeqesi.

Po ta kem votuar une K.

Po ta kem votuar une K. Islamin, tani do ia kisha hequr mandatin, pasi ai qe votohet nga e majta nuk mund te lepije ne sahanet e te djathtes. Ky duhet te jete rregull i demokracise.

Zakonisht legenet kumbojne me

Zakonisht legenet kumbojne me shume kur jane te rinj,Kastroja po kumbon me shume ne Vjeteri.Sidoqofte,nuk eshte mire te bejne miting poshte pallatit,se ofendojne pallatin.Ç'a o kjo Bibla per Kastron mor jahu,o z.Muçi sa larg i ke rene mor burre i dheut?Sikur te nisesh nga Mbreshtani per ne Mbrakull duke u futur ne berthamen e Tokes,ti dalesh nga Brazili,Japonia e te kthehesh nga Bullgaria,Librazhdi e deri permes fiqve te Uznoves.Ky i Kastros nuk eshte mekat,eshte "nji legenllik" do thoshin tironcit denbanbaden te Rrapi i Treshit.

Nuk jam fare dakort me

Nuk jam fare dakort me shkrimin tuaj pasi ka shume ngaterresa te çuditshme kur flasim per demokraci kjo u sherben te gjithve gazetarve politikanve dhe popullit, para ca kohesh Pd doli me slloganin qytetaret te paret, linde pyatja kaci si u be deputet? Nga qytetaret por per çfare ia dhane voten per te bere opozite si gjithe partia qe perfaqsonte por ne momentin qe ti voton kundra interesave te perfaqsuesve kush e ka fajin? Ktu futet ne loje demokracia ti nuk je me perfaqsues I ketyre njerzve jep doreheqjen dhe mos luaj me voten qe te besoj populli ndryshe reagimi qytetare eshte I arsyeshem, kjo eshte demokracia dhe jo perralla me kacin.... Tung

nuk e kuptoj pse z. Nano

nuk e kuptoj pse z. Nano eshte nje servil kaq i paskrupullt i Rames sa te harroje se ai shkeli mbi figurat e tyre i perjashtoi dhe i lincoi. votat PS i mori edhe per arsye se figura si keta zoterinj ishin ne listat e saj.

Ketu behen disa pyetje te

Ketu behen disa pyetje te çuditshme(nga komentaret), feminore, kur dihen shume mire pergjigjet:  Komunistet jane barbare dhe servila.

Le të qëllojë i pari me gurë ai që është i pamëkat!

Comments

po qëlloj unë atëhere, sepse

Shkrimi i Nanos eshte shume ,

Nje koment i shkurter: kjo

Saktesoje atehere edhe per ne

RE: "... them se askush nuk

Ne shkrimin tuaj zoti Nano ve

"Kush nuk jep solidaritet,

Per disa komentues. Thelbi i

"Askush te mos gjykoje

Ka shume pasaktesira ne kete

Rreth komentuesit

Kjo eshte Rilindja e Ed

Ah po foli edhe i perdhunuari

Muç, te kujtohet DaVinçi si

Shume reagime dhe

Po ta kem votuar une K.

Zakonisht legenet kumbojne me

Nuk jam fare dakort me

nuk e kuptoj pse z. Nano

Ketu behen disa pyetje te

Add new comment

Plain text

You are here

Le të qëllojë i pari me gurë ai që është i pamëkat!

Comments

Add new comment

Plain text