Erdogan emëron dhëndrin ministër

16 janë ministrat e qeverisë së prezantuar nga Erdogan pas betimit që bëri si president. Vetëm 4 prej tyre vijnë nga karrierë politike, ndërsa të tjerët janë teknokratë ose emra të botës së biznesit me një të përbashkët, të gjithë janë besnikë të Erdogan.

Bie në sy emërimi në krye të financave dhe thesarit, i dhëndrit të tij Berat Albajrak. Do të jetë njeriu më i afërt i presidentit që do të trajtojë krizën e monedhës kombëtare lira, që muajt e fundit ka pësuar rënie drastike, çka tregon edhe brishtësinë e ekonomisë turke. 

Praktisht me ndryshimet kushtetuese do të jetë ai që do të emërojë kreun e Bankës Qëndrore dhe Mbrojtjes Kombëtare.