Merkel ngushëllon lojtarët e Joachim Low-it; por italianët po merren gjatë me të

Kancelarja Merkel, që ka ndjekur ethshëm kombëtaren e vet gjatë ditëve të Europianit (në ndeshjen me Greqinë ajo iu gëzuar golave si një tifoze e vërtetë), i ka përgëzuar në facebook lojtarët e Gjermanisë: “Jemi krenarë. Gjynah që s’shkuam në finale, por skuadrës sonë të re i përket e ardhmja. Urimet më të mira të miat shkojnë për të gjithë ju”.

Është sjellë si një kryeministre, s’ke ç’i thua. Por italianët, të ngacmuar nga ironitë e shtypit gjerman para ndeshjes (përmendeshin për picat, për mafian, për mandolinën e për Berlusconi-n), janë duke ‘u hakmarrë në një mënyrë të shpërpjestimuar’. Kemi informuar në një shënim tonin të mëparshëm të ditës së sotme për disa tituj gazetash, që ishin tepër të ngjyrosur. Il Giornale shkruante “Ciao, ciao bythëmadhe”, duke iu drejtuar Merkelit. Një gazetë tjetër kish zgjedhur titullin “Vaffanmerkel”. Ndërsa një deputet i partisë së Berlusconi-t, Luca d’Alessandro, i ka dhënë gaz entusiazmit, dhe në facebook ka hedhur një fyerje 20 qindarkëshe: “E la culona inchiavabile se la prende in quel posto…”, që në një shqipe gjithashtu të ngjyrosur do bënte “dhe bythëmadhja e paçpueshme e hëngri tullumin më në fund”.

Re.Pu.