Kur “plehrat” shiten për firmato

Pasi Moody's Investors Service publikoi raportin vjetor për bonot e thesarit të shtetit shqiptar, të gjithë mediat proqeveritare e dhanë lajmin me tituj që përcillnin kumtin se ekonomisë shqiptare i është bërë një vlersim pozitiv nga kompania prestigjoze e vlersimit të kredive. Në fakt, Moody’s bën vlerësimin e rrezikut të mospagimit nga huamarrësit të borxheve të tyre dhe jo të ekonomisë në vetvete. Dhe ku i kategorizon Moody’s bonot e thesarit shqiptar? Në kategorinë B1 të bonove, të cilat në zhargonin e financierëve quhen “junk bonds” (bono plehra), sepse kanë rrezik të lartë mospagimi nga huamarrësi. Arsyeja pse Moody’s i rendit bonot e thesarit shqiptar në kategorinë e “plehrave”? Sipas raportit të Moody's, për shkak të “nivelit goxha të lartë të borxhit publik dhe fuqisë së dobët ekonomike dhe institucionale” të Shqipërisë.

E.Zaloshnja