Marku: Ndryshimet në qeveri pa logjikë politike; Çili: Ndryshimet e bëra nuk janë ndryshime

Ndryshimet e bëra në qeveri nuk kanë përmbushur pritmëritë e një numri njerëzish brenda maxhorancës. Deputeti Mark Marku është bërë i gjallë menjëherë. Në një intervistë për Panoramën, ai ndalet fillimisht tek emërimi i Flamur Nokës në krye të Ministrisë së Rendit. “Noka është funksionar partiak, e nuk më duket çudi pse ai është shpërblyer për përkushtimin ndaj PD-së e ndaj kryetarit të saj, zotit Berisha”, thotë ai duke lënë të nënkuptuar edhe një si miratim, edhe një si ironi. Por kuptohet se e ka ironi, pasi pak më poshtë shprehet që “emërimi i Nokës nuk është nga ato emërime që tregojnë vullnetin politik të së ardhshmes, apo që tregojnë se maxhoranca nuk e ka humbur forcën e reagimit”.

Edhe të tjerë jashtë politikës nuk janë të kënaqur me këto ndryshime. Komentatori Henri Çili, i cili i ka pasur shpesh qëndrimet e veta të njëjta me ato të maxhorancës, këtë herë nuk duket i bindur. Merret vesh se ka pritur ndryshime domethënëse, e prandaj s’e ka të zorshme të thotë se “PD-ja thjesht ka mbushur një vend të mbetur bosh”, ndërsa “Meta ka zgjidhur problemet e ekuilibrave të brendshëm të LSi-së”.

E.G.