Afron Nobeli, bookmakers-at ‘rrëzojnë’ Kadarenë

Gazeta londineze The Guardian në një artikull të sotmin hap zyrtarisht lojën e basteve për çmimin Nobel në letërsi për vititn 2011. Çmimi, sipas Akademisë Suedeze, shpallet të enjten në mesditë dhe gazeta ka nxituar të hapë ‘garën e përvitëshme’ të ankthit mes të mëdhenjve të letërsisë. A është më në fund radha e amerikanit Philip Roth?, pyet The Guardian. Ndërkohë, më i kuotuari nga bookmakers-at anglezë është i shumëpërfoluri, poeti sirian Adonis me 4/1 i ndjekur nga favoriti i vitit të shkuar poeti suedez Thomas Tranströmer me 11/2. Poeti hungarez, Péter Nádas është i treti, shkruan e përditëshmja britanike, i ndjekur nga afër nga romancieri japonez Haruku Murakami. Për këta të dy The Guardian vëren se kanë libra të rëndësishëm të përkthyer në suedisht. Philip Roth ‘vuan’ në kuotat 25/1. Jo më mirë është shkrimtari shqiptar Ismail Kadare, të cilin bookmakers-at e kuotojnë në 33/1. The Guardian, megjithatë, këshillon lexuesit e saj dhe ata që duan të vënë baste, të hedhin sytë nga shkrimtarja algjeriane Assia Djebar. “Kur sekretari i Akademisë Suedeze Peter Englund dha një intervistë rreth fituesit të sivjetshëm, ai pranoi se ishte i ndërgjegjshëm për mungesën e laureateve gra”. Sigurisht në këtë vit të Pranverës Arabe një shkrimtare grua me prejardhje nga Afrika e Veriut duhet të jetë një zë i fortë, përfundon The Guardian.

H.B.