Ambasadori amerikan flet për Opinionin e Klanit

Kemi zgjedhur vetëm disa fragmente që përbëjnë thelbin e asaj që ai tha; ose më mirë të themi, disa fragemente që duket se përbëjnë interes për opinionin publik shqiptar.

-Dhe ka interesa biznesi, liderë politikë, të cilët janë përgjegjës për këtë [anti-amerikanizmin}. Dhe kjo është e ndryshme nga një opinionist që sheh një koment që kam bërë unë dhe thotë do ta kritikoj këtë, ose nuk jam dakord me këtë. E përsëris, kjo është e natyrshme. Po flas për diçka të natyrshme krahasuar me diçka të panatyrshme. E natyrshme është: nuk jam dakord me atë që ka thënë Arvizu dhe do ta kritikoj. Ose, përsëri, mendoj se qëndrimi i tij është i gabuar, jam dakord. Por, unë po flas për diçka që është më e organizuar dhe e drejtuar.

-Kam informacion për këtë [që anti-amerikanizmi është i organizuar dhe i drejtuar}. Dhe kur dikush thotë ja ku i ke 100 euro, dhe kjo është ajo që duhet të thuash. Për mua, ky është aktivitet i drejtuar po ta krahasosh me dikë që thotë: unë nuk jam dakord me atë që ai tha.

- Nuk ka absolutisht asnjë dyshim në mendjen time [që anti-amerikanizmi është i drejtuar dhe i komanduar]. Por, paralelisht, nuk dëshiroj ta nxjerr jashtë përpjesëtimit.

- Kur dikush është këtu si ambasador, ai përfaqëson Shtetet e Bashkuara. Unë mund të kem pikëpamjet e mia vetjake. Pararendësit e mi, pa dyshim, kanë pasur pikëpamjet e tyre gjithashtu, por kur ato shprehen në publik, mendoj thuajse gjithmonë privatisht, gjithashtu, ato janë pikëpamjet e ambasadorit amerikan.

- Ajo që mirëprita [lidhur me Paktin e ofruar nga opozita} është fakti që kishte shumë propozime specifike apo pika. Disa ishin shumë të thjeshta dhe elementare, disa të mëdha. Por, ato ishin propozime specifike dhe krahasuar me gjëra të tjera që kam parë nga PS, këto ishin më specifike, më konkrete sesa gjërat e tjera në të shkuarën. Ndaj, mendoj se është një zhvillim pozitiv.

- Ata [PD e PS] pa dyshim mund të flasin për këtë [për zgjedhjen me konsensus të Presidentit të ardhshëm], në të vërtetë mendoj se ata duhet të flasin rreth kësaj, por mund të vijë te kampi qeverisës që të jetë shumë i mençur në propozimet e tij drejtuar opozitës. Ndaj, mendoj se personi që përzgjidhet është i rëndësishëm, por shumë më tepër se vetë individi është procesi.

Re.Pu.