Tomisllav Nikoliç nuk fshihet pas frazave: Në fillim vjen Kosova, pastaj BE-ja

Gjatë fushatës elektorale për postin e Presidentit,  Tomisllav Nikoliçit nuk i vinte mirë kur e vizatonin sianti-europian. Përveç kësaj, një nga gjërat e para që bëri me t’u marrë vesh se serbët e kishin zgjedhur President ishte të denonconte spekullimet dhe hipotezat, sipas të cilave ai ishte anti-europian. Por nuk kanë kaluar as dy javë nga dita që u zgjodh në krye të shtetit serb, dhe ai bën një deklaratë të fortë, që me siguri në Bruksel do t’ia marrin si anti-europiane. I pyetur lidhur me Kosovën, ai nuk është menduar gjatë. Madje, dha përshtypjen se po jepte një përgjigje të menduar e të peshuar mirë: “Nuk më vjen turp dhe nuk i shmangem përgjegjësisë që të bëj të ditur se unë nuk jam në listën e atyre të cilët do të pranonin të shkojmë në integrimet evropiane [me kushtin] që të heqim dorë nga Kosova”.

E.G.