Rruga e nisur nga Perëndimi do na çojë në Katastrofë

Carlo Rovelli, fizikani i njohur italian, ka dalë së fundmi me një opinion publikur në “The Guardian”, përmes të cilit ngre shqetësimin mbi kursin e rrezikshëm të konfliktualitetit në botë. Duke e hapur opinionin e vet me një paralele me vitin 1914, Rovelli thekson se sot në “lojë është i gjithë planeti”. Dhe problemi është në fakt pabarazia e përfaqësimit dhe vendimmarrjes globale, më tepër sesa një konflikt vizionesh.

Perëndimi përballet me një zgjedhje. Suksesi i tij kulturor dhe ekonomik ka sjellë që zona të tëra të botës të lulëzojnë. Këto janë rritur deri në pikë saqë krahasohen me peshën ekonomike dhe kulturore të Perëndimit. Ata po kërkojnë për një vend në tavolinë, për vendime të përbashkëta. I vetmi superioritet i qartë që Perëndimi mban është kapaciteti i tij dominues ushtarak, bazuar në shpenzimet absurde ushtarake(shpenzimet për frymë të SHBA janë 15 herë më të larta se Kina). Kjo situatë e përball Perëndimin me një zgjedhje ekzistenciale: ose të imponojë dominimin global vetë përmes forcës ushtarake, siç po përpiqemi të bëjmë, ose të pranojmë idenë se demokracia që predikojmë është aktualisht e sinqertë: bota duhet të qeveriset bashkë me këdo tjetër. Kjo mendoj unë është zgjedhja

shkruan Rovelli.

Është një parashtresë që sipas tij ka mbështetës kudo, mirëpo ajo që është e qartë për këdo, është fakti se nëse një e tillë do të merret në konsideratë politike, vendimet e deritanishme të Perëndimit në Ukrainë, Izrael, e kudo, të vihen në pikëpyetje serioze. Dhe mbi këtë do të duhej të pranohej se në ligjërimin e deritanishëm ka diçka shumë kriminale, pse të pavërtetë.