Të këqijat s'i kemi prej ligjit elektoral
Dje lexova dy komente mbi listat e mbyllura, rrjedhimisht mbi ligjin elektoral tonin, që e inkurajon dhe e bën një praktikë të detyrueshme këtë punën e listave të mbyllura. Ishte një koment i Preç Zogajt, i bërë brenda një interviste që ai kish dhënë për “Mapon”, dhe një koment tjetër, gjithashtu në “Mapo”, i Henri Çilit. Zogaj i jepte munxët sistemit elektoral të ndërtuar nga një marrëveshje mes Berishës e Ramës para zgjedhjeve të vitit 2009 dhe ai nuk është i pari që e bën këtë, gjë që do të thotë se ky sistem proporcional rajonal ua ka sjellë të gjithëve, në mos të shumtëve, në majë të hundës. “Unë nuk e dua këtë sistem; është armiku im politik; dhe duhet të jetë armiku politik i të gjithë njerëzve të lirë që vlerësojnë vlerat e individit në politikë”, thosh Zogaj. Dhe kuptohet që është ndalur në këtë mes në njërin nga papërsosmëritë e këtij sistemi.
Çili bënte një listë dukurish që i pjell natyra perverse (“perverse” ish termi i tij) e këtij ligji, dhe në këtë listë kish dhe ndonjë dukuri të paqortueshme, siç është “mundësia që jep ky sistem elektoral për të thithur në mënyrë më komode se sa sistemi mazhoritar individë nga shoqëria jashtë politikës”. E më poshtë fliste dhe për dukuri të rrezikshme.
Përsëris: këtij ligji që kemi i janë bërë kritika në çdo kohë e nga çdo drejtim. Unë personalisht, përpara se të miratohej në Parlament, kam shprehur simpatinë time për këtë ligj “spanjoll”, në mos për tjetër, të paktën për faktin që ky ligj do bënte të mundur t’na hiqej sysh ajo harta elektorale që njollosej blu sipër, në Veri, e njollosej rozë poshtë, në Jug, duke krijuar kështu imazhin e një demokracie tribale dhe të një ndarjeje të thellë veri-jug. Ligji i ri pra rindërtonte një hartë elektorale me plot njolla rozë sipër e me plot njolla blu poshtë.
Një vlerësim aposteriori i këtij ligji më ka bindur, sidoqoftë, për do papërsosmëri të sikletshme, ndoshta dramatike, që bart ky ligj. Por kujdes! Nuk ka ligj elektoral të përsosur. Të paktën, shkenca politike e derisotme, që padyshim njeh rëndësinë dhe fuqinë që ka ligji elektoral, çdo ligj elektoral, për të diktuar, kondicionuar e modeluar llojin e demokracisë, të sistemit të qeverisjes dhe të jetës politike në përgjithësi, nuk ka dalë asnjëherë me pretendimin se është zbuluar më në fund një ligj elektoral i përsosur. Me fjalë të tjera, të gjitha ligjet elektorale që ekzistojnë në botën e sotme demokratike bartin cene të tyret, dhe ligjvënësit, kur u duhet të miratojnë një ligj të tillë, nuk është se vihen në pozitën për të zgjedhur midis një ligji të keq e një ligji të mirë. Jo, ata vihen në pozitën për të zgjedhur midis një ligji, papërsosmëritë e të cilit mund ta bëjnë lesh e li situatën politike dhe mund ta bëjnë jo eficiente demokracinë e sistemin e qeverisjes, dhe midis një ligji tjetër, papërsosmëritë e të cilit provokojnë trauma më të vogla.
Duke u kthyer tek ligji ynë elektoral, duhet thënë se këtij po i mveshin ca pasoja, që në të vërtetë nuk vijnë prej tij. Po, ky ligj ka probleme, dhe nuk është keq të ndryshohet, por jo çdo problem që ne pikasim në kontekstin elektoral apo në sistemin tonë të qeverisjes duhet lidhur domosdoshmërisht me ligjin. Marrim, fjala vjen, çështjen e fuqisë që kanë kryetarët për të bërë listat e deputetëve si t’ua ketë ënda. Është ligji që kemi që na e ka bërë peshqesh këtë hall? Nuk besoj. Të paktën, nuk është thjesht e vetëm ligji. Kryetarët e dy partive tona të mëdha e kanë pasur këtë fuqi edhe kur ligji elektoral ka qenë tjetër, dhe kjo do të thotë se kjo fuqi, ky pushtet i tyre, përpara se t’u vijë prej një ligji elektoral, u vjen prej një kulture politike të vetë partive politike, e cila (kjo kulturë) inkurajon fuqizimin e numrave një të partive, dhe legjitimon çdo prapësi e çdo tekë të tyre. Shikoni se si funksionojnë partitë jashtë një konteksti elektoral. Ato kanë një kryetar absolut, dhe termin “absolut” jeni të lutur të mos e merrni si një teprim stilistik. Janë kryetarë me një autoritet njimend absolut, gjë që do të thotë se secili anëtar është në garë për t’iu qurravitur sa më shumë, për t’i fituar zemrën, për t’u futur në rrethin e ngushtë të tij. Kjo ndodh, ngaqë deputetët apo aspirantët për deputetë jetojnë gjatë gjithë kohës me frikën se mund të mos bëjnë pjesë tek lista e kanakarëve të kryetarit në momentin e ardhshëm elektoral? Një lloj roli mund ta luajë edhe ky fakt, por është e sigurt se rolin më të madh e luan natyra aspak demokratike e partive. Dhe nuk është, sipas meje, udhëheqësi që u imponon të tjerëve diktatin e tij, autoritetin e tij, funksionimin jo demokratik të partisë. Jo, janë të tjerët që kanë nevojë për një kapo; është kultura jonë politike që na bën neve të shprehim nevojën e dëshirën për (apo të inkurajojmë) fuqizimin e kapove, e që na bën ta shohim kërkesën për demokraci në parti si një kërkesë që të çon në shthurje, në kaos e në shpërbërjen e vetë partisë.
Ja, po pyes: Ligji i pengon socialistët ta thonë të tyren, teksa shohin që listat po bëhen me frymëzime ezoterike? Ok, ligji pengoka ca syresh që e kanë shumë merak karrierën e tyre politike, e që për këtë arsye nuk donin ta prishnin me leader-in apo leadership-in, por nuk ka pse të pengojë mijëra të tjerë që nuk kanë interesa të ngushta karriere e afirmimi publik. Sipas meje, i pengon mënyra se si ata e shohin partinë, mënyra se si ata e kuptojnë luajalitetin politik, mënyra se si ata e shohin udhëheqësin e tyre.
PD-ja është një ilustruese më e saktë e dukurisë. Në PS ka një numër rebelimesh, të paktën nga ana e atyre që janë ndeshur me shpërfilljen e kryetarit të tyre (të fundit janë Islami, Kadeli, Dogjani); kjo s’do të thotë ndonjë gjë në terma parimorë (përkundrazi), por do të thotë diçka në terma të lirisë individuale për t’u shprehur, për t’u zbrazur, për të zbrazur qoftë dhe në duf (është provë demokracie liria individuale për të zbrazur një duf), gjë që në PD nuk ekziston as në rrethanat kur kryetari i injoron, i nxjerr nga listat dhe nuk i mban në rrethin e të besuarve. 23 deputetë të PD-së nuk do të jenë kandidatë këtë herë (e thosh “Shekulli” i djeshëm), por askush prej tyre nuk është rebeluar; e nuk ka gjasa që të rebelohet. Është kjo shenjë e faktit që ata janë të ndërgjegjshëm se nuk e meritojnë këtë herë? Jo, kjo është shenjë e faktit se për ta, kapoja është kapo në çdo rrethanë, është kapo edhe në rrethanat kur ua dëmton qartazi interesat e tyre të prekshme dhe ambicien e tyre për karrierë.
Përfundimi është që është e kotë ta kërkojmë fajin tek ligjet që kemi, qoftë dhe tek ligji elektoral që ka atë rëndësi që ka. Të bësh me faj ligjin elektoral për dukurinë e mësipërme, është njësoj si të bësh me faj të njëjtin ligj për faktin që votat manipulohen, votat vidhen, rezultati trukohet e zgjedhjet kontestohen e prishen. Të gjithë ne e dimë se nuk është ligji që prodhon zgjedhje të këqija. Është vullneti politik. Me fjalë të tjera – dhe këtu kthehem tek diskutimi i mëparshëm – është kultura politike që kemi. SHQIP
Comments
Ceshtja eshte qe duhet te
<p>Ceshtja eshte qe duhet te lexosh me shume tek komentet e Respublica se sa Cili e Zogaj. Psh. Zogajt iu deshen 4 vite per te njohur Ramen, ndersa ti ne (une, Albi e Bard te pakten :) ) e kemi njohur me kohe. Zogaj i shkrete beri edhe disa "romane" mbi familjet lezhiane te demtuara nga 21 Janari por Rama e ftoi ne 1 prill te fshije bythen me to. Po kopjoj me poshte komentin qe i bera Cukalit diten e djeshme kur paraqiti artikullin tend te mesiperm. Edhe dicka, kur them "ju" nuk te referohem ty personalisht, por klases se gazetareve shqiptare ne pergjithese. Le qe ti e di me mire vete se me ke e kam :)</p><div class="content"><p>Z.Nano mos u tall me ne kur thua cfare i ndalon ata (socialistet) te thone te tyren. Foli Erjon Brace ne Facebook por nuk mbaj mend qe ti apo grupi yt i bashkeautoreve te Respublica apo edhe te tjere gazetare i dhate ndonjehere te drejte mbi temat e tija. Keshtu fliste edhe Meksi ketu e 12-16 vite me pare por prape as ti as Zaloshnja qe i keni rrenjet tek partia qe Meksi krijoi nuk folet ndonjehere. Zaloshnja foli per Selamin megjithese ishte thjesht nje zar i Berishes (shyqyr qe koha e tregoi), ti u ankove per Serreqin apo Shehin (dy prej 10 PD-isteve te promemories anti-Meksi te shkurtit 1997) por prape tek Sala i ke sot. Keshtu ji pak me realist kur flet per demokraci. Ju edhe pas 1 prillit, qe mund te quhet dita finale e talljes se Ed Rames me PS-ne si popull, prape ishit me Ramen. Sepse ju pelqen pushteti, sepse keni inate kafsherore me Berishen (me thuaj nje tek pike pse Rama qenka me i mire dhe te lutem mos me trego qe Berisha vret sepse ka vrare edhe Nano, edhe Gjinushi, edhe Ruci, edhe Ceka, edhe Fino, edhe Ngjela dhe te tere qeveritaret socialiste te 1997-es por s'te kam degjuar ndonjehere t'i quash vrases!), sepse keni pika fiksimi qe i ktheni ne teza politike aftagjate, dhe se ne cdo rast keni frerat e kuajve tek syte.</p><p>Ti thua askush nuk i ndalonte socialistet te flasin apo te flisnin! Ju i ndalonit, ju me heshtjen e juaj zhurmuese! Tere mediat nuk i dhane jehone luftes se Braces. Te eliminohet Brace prej Fidel Yllit, nje hajdut ordiner qe kur ishte roje ne kryeministrine e Meksit! Dhe qe nuk ka asnje lidhje me socialistet pervesce kafeve qe u sherbente! Te largoeht Brace prej Besa Kokedhimes, vazjes se Kocos, nje prej figurave me te urryera ne tere boten e mediave shqiptare! Nje prej njerezve me te falimentuar. Por qe mburret perdite qe ai dhe Nari jane ideatoret e 1 prillit. Pse nuk thoni nje fjale per kandidaturen e Besa Kokedhimes? Pse nuk thate nje fjale per kandidaturat e fshehta te Metes gjate muajve shkurt-mars, qe nga Evisi deri Mimoza, duke kaluar nga Fredi e Celibashi i Mediut? Pse asnje fjale? Une mund te kuptoj heshtjen tuaj si rrjedhoje e plot arsyeve te jetes (interesa e inate perfshire) por atehere mos ju ankoni te tjereve pse nuk flasin! Edhe ata ne fund te fundit mbrrojne nje status quo te jetes se tyre private!</p></div><p> </p><p>Shtese nga lajmet e dites se djeshme pas komentit. Shiko cfare ndodhi me Marko Bellon. A e intervistuat gje "ju" mbi motivet e tija, a i dhate ndopak hapesire ne media? Shiko prape cfare ndodh me Bracen po dje e sot. Edhe Thano e ka hapur gazeten me pyetjen : c'po ndodh me Bracen? Pse nuk e intervistoni gjere e gjate ne lidhje me motivet e sherrit me Edin? Pse nuk intervistoni Edin mbi kete teme? Pse nuk intervistoni Fidelin mbi kete teme, shikoni njehere a di te lidhe dy fjale pervecse modernizimit te sportit ne Shqiperi :)</p>
Hileqari këtu është Muç
<p>Hileqari këtu është Muç shkaravinahskruesi, për të cilin pas atyre që ka shkruar nga fillimi i prillit e deri tani e humba edhe atë molekulë respekti që kisha...</p><p>Një nga arsyet pse ky gazetari flet kështu është sepse <strong>nesër kur të ketë në pushtet berishistin Rama do t'i leverdisi shumë ky ligji elektoral.</strong> Sot berishisti Rama ka vetëm partinë nën pushtet të uzurpuar prej 2009 - dhe ishin po këta shkarrashkrus që e mbrojtën atëhere - nesër do të ketë të gjitha pushtetet që ka Berisha sot.</p><p>Vetëm se Edi, siç e dimë të tërë, është edhe çik fare i paqëndrueshëm... në kuptimin që e dimë të gjithë, pra.</p>
gjë që në PD nuk ekziston
<p> </p><blockquote><p>gjë që në PD nuk ekziston as në rrethanat kur kryetari i injoron, i nxjerr nga listat dhe nuk i mban në rrethin e të besuarve. 23 deputetë të PD-së nuk do të jenë kandidatë këtë herë (e thosh “Shekulli” i djeshëm), por askush prej tyre nuk është rebeluar; e nuk ka gjasa që të rebelohet.</p></blockquote><p> </p><p>Po pra po, se nuk ke sy të shikosh o gazetar shkarravinashkrues.</p><p>Të jap tre emra: Topi, Biberaj, Oketa. Tani hajt ndërto ndonjë përrallë, se pse këta bëjnë përjashtim, apo pse nuk quhet sepse ashtu e pse kështu. </p><p>E vërteta është se nga PDja dhe ca të tjerë nga PSja janë treguar më të shpejtë dhe nuk kanë pritur si dele të mira deri ditën e therrjes.</p><p>Po të jap rastin e atij policit a shefit të plicisë që dhanë dorëqheqjeen dhe denoncoi publikisht.</p><p>Po ty si çerr i mir i kryetarit, ha edhe m** e je gati të thuash gjysmë të vërteta, se ashtu të intereson.</p><p>Ndaj, nuk të kanë quajtur kot shkarrashkrues.</p><p>Kërmë berishiste!</p>
Mjaft o Muc mjaft se e ke
<p>Mjaft o Muc mjaft se e ke gabim 100%. </p><p>Te isha pak me naiv do thoja qe thjesht flet per gjera qe nuk i di fare. Po mbas 1 prillit dihet se kujt i sherben, kshuqe flet vetem per te justifikuar nje diktature te re. </p><p>Do merresha me argumentet e tua nje me nje, po aq shume e kam bere ne kete blog, e aq shume kane shkruajtur te tjere si puna e Bradit sa nuk besoj se kam ca te shtoj. Plus nuk ka vlere te shtuar, se e di qe nuk po flas me dike qe vertet i pikon per demokracine e lirine ne kete vend. </p>
Hemo Muco, nuk kane kurajon
<p>Hemo Muco, nuk kane kurajon te flasin apo nuk kane fuqi fare te ndryshojne vendime?</p><p>Si po te duket ty mbas dites se sotme? Se mua me duket se Rama tha qe une bej ca te dua ne Parti e nuk me behet vone, dhe ata qe u perpoqen te ndryshojne dicka nuk i perfilli kush. Pra teza jote vlen nje zero me xhufke, po jo nuk eshte surprize tashme. </p>
Per mua, Ti, nuk ke me
<p>Per mua, Ti, nuk ke me kredebilitet, nuk ke me besueshmeri. Dhe nuk je i vetem. Ka plot ne krahun tend dhe ne krahun tjeter qe nuk kane kredibilitet, nuk kane besueshmeri. Besueshmeria eshte nje atribut qe mbeshtet ne fakte, etike dhe moral. Mbeshtet ne vije e ideal. Ti faktet i manipulon, ti faktet i sfumon, ti faktet i tjeterson, e bashke me faktet dhe moralin dhe etiken dhe kerkon ti shesesh per vlere e te verteta! Malli jot, nuk eshte as ne standartin e demodese. Edhe kur thua nje te vertete tek ty nuk ka me peshe se, ke humbur besueshmerine, po ty aq te ben. Ty dhe lakunise se gaztareve legena. Populli shqiptar me ne fund po perjeton ne kerthze infalacinin e humbjes se vlerave e te besueshmerise ne saje te politikaneve dhe formatit tend si model i nje gazetari pa ekuiliber. Shqiperia eshte kthyer ne nje arene cirku, nga njera ane jane politikanet qe bejne abrakadabra e akrobacira me fuqine qe kane duke vjedhur, plackitur, abuzuar, shurruar , vrare e gjakuar kete popull e milet kaqol, dhe, nga ana tjeter kemi dhe kllounet opinjon beres qe, na bejne te gelltisem kete maskarade duke ndikuar ne pertypjen e kesaj gjelle te shpifur te qelbesires. Ore nuk kemi asgje ne dore, nuk kemi as dhe te drejte te zgjedhim. Ne formen me te perbindshme jemi te dhunuar e te detyruar te bejme ate qe na imponon politika. Fanatike shgarravites qe spostojne vemendjen e manipulojne me ndergjegje ne formen me te paturpshme e te pa moralshme duke bombarduar me trakte partizane si pjese e kalkuluar e strategjise se fushates elektorale behen pjese e plackitjes e shkaterrimit moral. Te gjithe abuzojne. Politika e ka kthyer ne norme abuzimin, po ato qe amplifikojne e mbulojne kete abuzim, jane shgarravitesit e pameshirshem qe perdorin hapsirat mediatike per te na mbajtur ne kallamishten e hurdhes, e baltes, e lluces, duke na hequr vetedijen, duke na paralizuar e verberuar. Nuk ka njeri besoj qe nuk e ndjen e nuk e perjeton xhunglen shqiptare. Ne kete xhungel ku fuqia ndahet ndermjet klanit te Luanit e Tigrit dhe Hijenave qe ushqehen me jetet tona, me frymen tone, me gjakun tone, me shpirtin tone, me trupin tone, e me te ardhemen tone. Shoqeri e rraskapitur, e poshteruar, e shqyer dhe e pafuqishme me nje media destruktive qe i ngul shiringen e amnizise e paralizes. Rilindje! Nuk ka rilindje, ka vetem rreshqitje drejt pesimizmit e depresionit dhe ne jemi te humbur. Une per vete do te doja gazetare qe i thone gjerat direkt dhe troc – nuk eshte pune paniku e pesimizmi - qe e ardhmja e jone dhe e femijve tane eshte e kercenuar, eshte ne rrezik. Dhe sfida me e madhe e cdo shqiptari eshte me veten e tij, me te vertetat e tij, me moralin e tij, dhe me sakrificat per te ardhmen e dinjitetit tij te femijve te tij. Sali Berisha eshte nje politikan i keq, nje politikan i keq e gjakatar, nje diktator. Edi Rama eshte nje politikan i keq, nje politikan i keq e tradhetar. Ilir Meta eshte nje politikan i keq, nje politikan i keq e shume hajdut. Gazetaret, kjo elite fshataresh qe nuk u ndergjegjesua e qyteterua hic.....</p>
Anonimeve qe kane shkruarme
<p>Anonimeve qe kane shkruarme siper, Zabpone-es dhe te tjereve. Ky njeri nga Corovoda, qe do te thote ky fshatar, nuk mund te "rilinde' e te behet ndryshe nga prejardhja e tij. Ai e ka kuptuar me kohe se ka udheheqes partish, qe po t'ju shkosh pas avazit te tyre, mund te fitosh e te besh nje jete luksi per kushtet e Shqiperise. Dhe kete e ka pranuar vete ,ky fshatar, ne nje interviste duke u mburur per rrogen qe i paguajne per "te vjellat' qe ben cdo dite ne kete palo gazete online qe ka. Ai i shtremberon faktet, thote me pak se gjysme te verteta, apo dhe ben demagogun vetem e vetem qe te marre ate te shkrete pagese vjelljen. Merita e vetme e tij eshte se di te beje hartime te bukura, mbeshtetur e bazuar kryesisht e teresisht ne marksizm leninizmin fitimtar. Ju kujtohet" Qelbesira te te gjithe Shqiperise bashkohuni per te rrezuar Berishen"? E ne se ai pranon vete dhe keshillon dhe te tjeret te bashkohen me qelbesirat, njerzit me mend ne koke i u largohen qelbesirav Nuk mund te jesh dakort me te kur thote se Berisha ka grumbulluar te gjitha pushtetet ne doren e tij. Po mire, po kur te jete shoku Rama ne pushtet(kurre mos ardhte ajo dite) pra kur te jete shoku rama ne pushtet si do te thote? Jo merei ju prokurorine , apo Gjykaten Kushtetuese, se une i kam kjaft keto qe kam" Ne asnje menyre! Cdo udhehqes qe eshte ne pushtet punon e lufton qe te jete sa me i pushteteshem qe te kete mundesi te realizoje synimet e tij politike. Por qe te mos i mare te gjitha pushtetet ai qe eshte ne fuqi, duhet qe OPOZITA, te dije te manovroje politikisht qe te mos lejeje grumbullimin e pushteteve ne nje dore. Kete gje, kete detyre te opozites rama nuk ka ditur dhe nuk ka mundur ta beje. Ja pse Berisha sot eshte i pushteteshem sa fale meritave te tij por me shume te paditurise dhe mosveprimeve te opozites, e cila ne vend qe te luftoje aty ku duhet, vetem bojkoton, bojkoton dhe ndihmon dashur padashur Berishen..... E duke dashur te ndihmoje opoziten, nga paditurijam, ky fshatar i shkolluar e mbetur fshatar, ne vend qe t'i tregoje te verteten opozites, per hir te page-vjelljes, i lepihet dhe e perkrah opoziten ne gabimet e saja fatale </p>
ligji eshte pothuajse
<p>ligji eshte pothuajse gjithmone i mire, varet se si e zbatojme ate...</p>
ligji duhet korrigjuar sa me
<p>ligji duhet korrigjuar sa me pare.</p><p>argumenti 1 parti lokale si pbdnj favorizohen dhe parti me rang kombetar apo qofte edhe etnik nuk mund te perfaqsohen kurre ne parlament ose ne rastin me te mire barazohen, tip 100 000 came baraz me 20 000 greke.</p><p>argumenti 2 ligji favorizon dy partite e medha duke polarizuar parlamentin. i ngrihet komandantit e mban peng gjysmen e parlamentit, po veproi ndryshe deputeti rrezikon mandatin e ardhshem. 3 kulti i kryetarit.</p><p>Keshillohet te merret parasysh proporcionali kombetar. te rregullohet padrejtesia qe nje parti me 50 000 votues ne mbare Shqiperine te mos perfaqsohet ne parlament derisa te detyrohet te shkrije partine apo satelitohet.</p>
O Nano mos ia fut kot. Ky
<p>O Nano mos ia fut kot. Ky ligj eshte totalisht idiot per tre arsye:</p><p>- Sic e pame dhe me listat e deputeteve kryetaret e partive jane defakto diktatore ne partite e tyre. Tani si mund te presim demokraci nga keto persona?!<br /><span style="font-size: 1.2em; line-height: 1.7em;">- Proporcionali rajonal ben te mundur qe vota e nje personi qe jeton ne kukes/vlore/ etj te mos kete te njejten peshe sa e atyre qe jetojne ne tirane. Nje zgjidhje e thjeshte do ishte proporcional kombetar.</span><br /><span style="font-size: 1.2em; line-height: 1.7em;">- Ligji krijon shume avantazhe per partite qe jane ne koalicione, dhe qe nuk e ndihmon fare demokracine sepse te gjitha partite jasht koalicioneve jane te penalizuara.</span><span style="font-size: 1.2em; line-height: 1.7em;"> Plus qe sheh absurditete te tilla si kryetaret e partive te vogla, behen pjese te listave partive te medha.</span></p>
Shoh qe paske pranuar shume
<p>Shoh qe paske pranuar shume te verteta te ai artikulli yt te Shqipi sot Muc. Shpresoj ta sjellesh sa me shpejt ketu se jam i sigurt qe do kete komente. </p><p>Deri atehere, mbase duhet te bej nje mea culpa te vogel. Mbase ka akoma burreri aty brenda qe nuk e paskam vleresuar. Long may it continue. </p>
z.Muçi!Ligji eshte
<p>z.Muçi!Ligji eshte makina,kurse kryetaret jane shoferet.Nese makina ben dem,fajin e ka shoferi,qysh tha Blushi dikur:"Mos i fol shoferit"!Italisht"Chi ha fatto la legge,ha fatto anche l'ingano"!Pra,ligji elektoral aktual u shkoi mire S.Berishes dhe E.Rames,se jane te dy autoritariste dhe u pelqen te kene partine ne dore e ne kete forme faktikisht e kane.Por nuk te ndalon ligji elektoral qe listat te jene rrjedhoje e nje diskutimi ne forumet e partive e si pasoje,produkt i nje perzgjedhjeje me plebishitare.Pse nuk e bene"Li-derrat"kete te fundit?Nuk e bene sepse vete ata jane pjella pazaresh e doemos politiken e konceptojne vetem si pazar.Qe do hiqeshin disa emra e do vioheshin te tjere eshte supernormale,e do kishte mbetje qejfi;ketu s'kam asgje ne parim!Por te sjellesh liste nje rilindas te shquar si Paulin Sterkaj,qe votoi dikur Topin president,iku andej nga Saliu dhe erdhi prape ne PS;kjo eshte melodrame qe veç nje komedian i pazoti si Rama mund ta rihedhe ne skene.Natyrisht,une s' i kam lexuar "veprat e shquara te Paulin Sterkajt per Rilindjen Kombetare,ky mos ka bere Abetaren? Apo ka ngritur shtanga apo mundje,meqe ra fjala per mundjen si sport,ai skrapalliu qe do kryesoje listen e Beratit e do rilinde sportet,mos e ka seriozisht edhe per sportin e Mundjes,sidomos tani qe u hoq nga sportet olimpike?Ne parathenien e romanit"Perketej Parajses"(s'dua te them ketejpari)permendet nje thenie e Oskar Wilde:"Eksperienca eshte emri me te cilin te shumtet batezojne gabimet e tyre".Po te pyesesh Ramen sot se perse e ka qullosur listen me rilindas pa teser partie si Kokedhima,ai natyrisht do thote qe eshte duke eksperimentuar eksperience.</p>
Add new comment