Nëse zhvillohen zgjedhjet sot, 55% e votave për kandidatët e mazhorancës
Në qoftë se do të zhvilloheshin sot zgjedhjet për kryebashkiakët e njësive të reja vendore, 55% e pjesmarrësve në votim do t’ia jepnin votën kandidatëve të mazhorancës. Ky është rezultati që parashikon një model statistikor që ndërtova me të dhënat e një sondazhi telefonik që zhvillova këto ditë me 1200 të anketuar nga i gjithë vendi.
Marzhi i gabimit statitistikor të parashikimit është +/-3.1%.
Në zgjedhjet e qershorit 2013, partitë e mazhorancës aktuale (duke përfshirë edhe PDIU-në në mazhorancë) morën 60% të votave të pjesëmarrësve në zgjedhje.
Nga 2.17 milion banorë me të drejtë vote, vetëm 1.72 milionë morën pjesë në zgjedhjet e 2013-ës. Ndërsa, në qoftë se do të zhvilloheshin zgjedhjet sot, do të merrnin pjesë vetëm 1.49 milionë zgjedhës.
Sondazhi i sipërpërmendur u krye kur ende nuk janë bërë të njohur emrat e kandidatëve në 61 njësitë e reja vendore. Me publikimin e emrave, kuptohet që mund të ndryshojë edhe gadishmëria e votuesve për të marrë pjesë në zgjedhje, si dhe për të votuar për njërin apo tjetrin kandidat.
Comments
nqs modeli i zaloshnjes eshte
<p>nqs modeli i zaloshnjes eshte i sakte, i bie qe mazhorances i paskan rene votat ndjeshem, nga 1 milion + 45 mije votat e PDIU ka rene ne 820 mije. ndersa 670 mije votat qe mbeten i marrin kandidatet e opozites, e cila pa PDIU, mori rreth 640 mije vota.</p>
Add new comment