Homoseksualët janë target-i më i kollajtë për burrat namusqarë të Shqipërisë

Mustafa Nano

Të premten po ndiqja programin “The Voice of Albania” në “Top Channel”. Është një nga shumë pak programe që mund të ndjek në televizionet tona, të cilat kanë vulgarizuar çdo gjë, show-n, talk-show-n, informacionin; sidomos informacionin. Por ky është muhabet më vete.

E ndjek atë program, pasi është i ndërtuar mirë në pikëpamje televizive; pastaj është dhe magjia e garës mes ca të rinjve të talentuar në lëmin e këngës; pastaj është dhe juria e përbërë nga katër njerëz, që më janë dukur gjithëherën simpatikë, të ëmbël, të saktë, objektivë, empathikë, skrupulozë, televizivë, të fisëm, qibarë, inteligjentë, dhe ç’është me e rëndësishmja në kontekstin e show-t që po bëjnë, të dijshëm e të aftë në fushën e muzikës. Ia thashë dhe Kel Jotit, drejtorit të përgjithshëm të Top-it, këtë gjë para disa ditësh. “Keni ditur t’i zgjidhni”, i thashë.

Mirëpo parmbrëmë pësova një zhgënjim të fortë; aq i fort ish ky zhgënjim, sa e mbylla televizorin, hapa kompjuterin, e shkrova një ‘news’ me titull ‘Një Parantezë Vulgare dhe Homofobike në Programin the Voice of Albania’ për website-in respublica.al, që bënte kështu (po e riprodhoj pjesërisht, pa ia prekur thelbin): “Show i të premtes mbrëma në ‘Top Channel’, The Voice of Albania, apo the Voice, siç e thërrasin shkurt tanimë, është një nga programet më të mira që mund të jenë bërë në televizionet shqiptare. Dhe një nga faktorët që e ka bërë këtë show ndjellës e të ndjekur, është dhe katërshja e jurisë, Sidrit Bejleri, Alma Bektashi, Miriam Cani dhe Elton Deda. Por sonte, 20 minuta më parë, ata i lejuan vetes një parantezë vulgariteti të skajshëm. Në momentin që Lundrimi, një djalë i ri, konkurrent, i dha fund interpretimit të një prej këngëve të George Michael-it, iu dha fjala Sidritit, dhe ky s’e pati për gjë të bënte një koment të shkujdesur me gjuhë mejhanesh: “Ky [konkurrenti] është burrrrrë, është maaaashkull, ky nuk është si ai këngëtari i origjinalit, për të cilin gojët e liga thonë se…”, tha ai, duke mos e përfunduar frazën medemek prej namuzit. As emrin nuk denjoi t’ia përmendte në atë moment yllit të pop-it e rock-ut botëror, George Michael, i cili është gay i deklaruar. Tre të tjerët zunë të qeshnin me të madhe e në shenjë miratimi me këtë ndërhyrje të kolegut të tyre. Pas tyre, zunë të qeshnin dhe spektatorët. U krijua vetvetiu një harbim homofobik. Ishte një skenë që të fyente; në mos, të bezdiste.”

Në harkun e një ore lajmi ish lexuar nga rreth 500 vetë, e një pjesë syresh kishin pasur kohën dhe ngacmimin për të bërë një koment. Në disa prej këtyre komenteve miratohej shqetësimi im, e në disa minimizohej e përqeshej. Këto komente ishin të llojit: “Ej, po mos e dramatizoni tani situatën. Në fund të fundit secili tregon komplekset e veta, pse duhet të nxjerrim konkluzione kaq të mëdha”, ose “Po sa i ndjeshëm je dhe ti, o Muç, ndaj këtyre gjërave. E pse duhet të jetë hipokrit një njeri, qoftë dhe publikisht, për një gjë që nuk e do? Pse ore me zor do t’i bësh njerëzit që të pranojnë një gjë që nuk duan ta pranojnë?” Ndërsa dikush e bën dalje shqetësimin e qëndrimin tim si një ‘hipokrizi për shkak të detyrës’”.

Po e filloj nga fundi, duke e refuzuar hovshëm këtë lloj hipokrizie që më atribuohet, apo që u atribuohet herë pas here të gjithë atyre që e kanë për profesion të mbajnë qëndrime publike. Nuk është hera e parë që ma thonë këtë gjë. Madje, para ca muajsh ma ka thënë dhe një njeri që ka statusin (dhe meritat, duhet me thënë) e një korifeu të kulturës kombëtare. “Ti nuk i mendon këto që thua për homoseksualët”, më tha ai. Hm, mua më duket qesharake kjo ‘akuzë’, e prandaj nuk di ç’përgjigje të jap. Nuk di si t’ua mbush mendjen këtyre njerëzve. Po bëjnë mirë, ta hajë dreqi, të besojnë se jo të gjithë njerëzit publikë këtyre anëve kanë dy fytyra, njërën ‘moderne’ për ta nxjerrë në publik e për të shitur dëngla, e tjetrën “mesjetare’ për ta shtënë në punë në jetën private. E në duan të dinë, po u them se ka qenë një kohë kur edhe unë, për shkak të formimit sigurisht, nuk “e kisha bërë timen kauzën e gay-ve”; dhe në atë kohë, duhet të jenë të sigurt, nuk kam pasur shqetësime të tilla publike. Tani që i kam, ta dinë se i kam me të vërtetë. Unë mund t’i lejoj vetes – ky është kompromisi që kam bërë me botën shqiptare – të mos them çdo gjë që mendoj, por atë që e them, ta dini që e mendoj.

Ky qëndrim i imi shkon përtej shqetësimit për gay-të, ndonëse edhe ky i fundit, d.m.th. shqetësimi për gay-të, është një kauzë më vete (Po të kuptohemi, nuk është një kauzë që duhet të na bëjë neve të mendojmë se gay-të janë goxhá burra. Jo, do ishte idiotësi ta thoshim këtë e do ishte idiotësi të merrej si mesazh sa herë që flitej në mbrojtje të së drejtës së tyre për t’mos qenë të diskriminuar. Gay-të nuk janë goxhá burra; gay-të janë si gjithë të tjerët, rrjedhimisht mund të jenë të liq, ashtu siç mund të jenë dhe të mirë).

Le të biem dakord për një gjë: secili prej nesh rastësisht nuk është gay (kur nuk është); kjo do të thotë që gay mund të qëllojë të jetë fëmija i secilit, ose njerëz të shtrenjtë për të. Dhe kjo kuptohet pse. Njerëzit nuk janë gay sepse zgjedhin të jenë, por janë gay sepse janë, dhe këtë e them, jo për ta bërë të kuptueshëm kryqëzimin e atyre që ‘zgjedhin’ të jenë të ndryshëm, por për të nxjerrë në evidencë se sa pa mend është ajo e folmja serbes-serbes kundër gay-ve që nuk e kanë në dorë ‘të zgjedhin’. Në këtë kuptim, Sidriti bën mirë ta dijë mirë, se gay mund të ish dhe ai djali që këndoi këngën e George Michael-it, e që Sidriti e mori për burrrrrë, por mund të ishin dhe të tjerë që kanë qenë duke e ndjekur atë shfaqje në TV. Të gjithë këta nuk ia kanë borxh këtë gallatë mbi kurrizin e tyre. Ashtu si nuk ia kanë borxh ca të tjerë, që s’janë gay, por që goditje të tilla kundër gay-ve e kundër atyre që janë të ndryshëm nga kallaballëku, ua bëjnë këtë vend prore të egër e të prapambetur edhe më të egër e më të prapambetur.

Dhe ja ku dola tek ajo që thashë, d.m.th. që qëndrimi im shkon përtej shqetësimit për gay-të. Unë nuk i mbroj gay-të, as ngaqë ata janë gay, as ngaqë unë jam gay. Madje, më shumë se sa mbrojtje, ky qëndrimi im është sulm. Është sulm ndaj atyre që nuk arrijnë të kuptojnë një nga gjërat më elementare të qytetërimit të sotëm: Askush nuk mund të tallet, përçmohet, diskriminohet, përndiqet për shkak të faktit që ai ka lindur, apo është, apo ka zgjedhur të jetë, ndryshe nga ne në pikëpamje gjinore, racore, etnike, fetare, politike, seksuale etj., dhe askush nuk ka të drejtë t’i japë vetes, bazuar tek fakti që është ndryshe, një tagër për të përndjekur, apo përqeshur, apo përbuzur, apo diskriminuar, të tjerët që s’janë si ai.

Sikur thelbin e qytetërimit të sotëm ta kërkonim te një thënie e vetme, personalisht do ndalesha te një frazë e mendimtarit britanik të shekullit XIX, John Stuart Mill, që bart një nga mendimet më të thella që më ka rastisur të lexoj (ngaqë nuk mundem t’jua sjell në mënyrë tekstuale, po jua sjell të perifrazuar): “Në një situatë kur dy palët në kontrast janë nga njëra anë gjithë njerëzimi minus një person, dhe nga ana tjetër ky personi i vetëm, atëherë i gjithë njerëzimi ka të drejtë t’i imponohet këtij robit të vetëm, po aq sa ky i fundit do kish të drejtë t’i imponohej gjithë njerëzimit (nëse do kish mundësi t’i imponohej).” Kjo frazë është apologjia më e mirë e tolerancës, mirëkuptimit dhe e empathisë ndaj atyre ‘anormalëve’ që janë, apo që kanë qëlluar të jenë, ndryshe nga ne ‘normalët’. E kush e bën të vetin këtë mendim, me siguri që nuk do jetë më i aftë ta ndajë botën në ‘normalë’ e në ‘anormalë’.

Comments

Bravo Mustafa.... Kjo

Bravo Mustafa....Kjo shoqeria jone primitive ka me se shumti nevoje per emancipim, e megjithese eshte pak, shume pak per te bere ndryshim, ky artikull shpresoj te ndiqet nga nje debat kurativ per homofobine primitive te shoqerise sone anadollake.

Do te doja te te kulturoja

Do te doja te te kulturoja pak me fjalen anadollak, kjo fjale vjen nga krahina e Turqise qe eshte Anadoll ku pergjithsisht kultura ne kohen e Perandorise Turke por dhe sot calon shume dhe ne kete kohe homoseksualiteti nuk ishte tabu madje ka te dhena ku sulltanet kishin nje harem femeror dhe nje me meshkuj gje qe sperputhet me prapambetjen, per mendimin tim kultura nuk fillon nga poshte larte po nga larte poshte.

Plotesisht dakort me cka

Plotesisht dakort me cka denoncohet, komentohet e analizohet nga autori. Por kam deshire te shkepus dicka: "Une mund t'i lejoj vetes te mos them cdo gje qe mendoj, por ate qe them, ta dini qe e mendoj"Kjo eshte ne fakt ajo qe duhet te mesoje te beje cdo person publik ne kete vend. Le te mos ndaje gjithcka me publikun e gjere, por ato qe ndan, duhet realisht t'i mendoje.

Ne Kosove, kur ndodhe ndonje

Ne Kosove, kur ndodhe ndonje rast i homofobise, shumica e personaliteteve publike, gazetareve, analisteve... bile edhe ambasadoret e huaj si ai holandez, amerikan... e denojne rastin, tregojne se si shoqeria duhet te jete e hapur, tolerante, me diversitet kulturor, social...  por, kur ndodhe largimi i vajzave nga shkolla per shkak te me shamise ne koke(obligim sipas parimeve islame),  shumica e ftyrave publike shprehen pro largimit te tyre, kurse zakonisht ambasadoret e huaj heshtin.

i je futur nje pike delikate,

i je futur nje pike delikate, por personalisht midis nje gay dhe nje fondamentalisti (islamik, ortodks, ...) zgjedh peden...

Sidriti do ishte pushuar nga

Sidriti do ishte pushuar nga puna brenda nates po t`a kishte thene ate qe tha ne nje televizion evropian. T`i vije turp dhe te kerkoje falje bashke me ata tre te tjeret qe qeshnin!

Bravo Z. Nano! Eshte e

Bravo Z. Nano! Eshte e rendesishme qe figurat publike heteroseksuale te vazhdojne te luftojne homofobine parazitare dhe "gratis" qe godet vazhdimisht dhe ne ambiente te ashtuquajtura te emancipuara, duke u nenvleresuar pesha e saj negative. Jam e sigurt qe asnjeri nga artistet e jurise tek Voice of Albania nuk e mendon veten si paragjykues dhe te prapambetur. Por ama, zgerdhihet me komente si ai i Z. Bejleri.

E kuptoj qe asnje shtrese e

E kuptoj qe asnje shtrese e shoqerise nuk duhet margjinalizuar por ajo qe nuk me pelqen eshte qe kjo pjese e shoqerise sillet si lule mos me prek pretendon te ekzagjeroj aty ku sduhet te nxjerri thirrje qe kerkoni dhe ju brenda vetes tuaj se dhe ju mund te jeni homoseksuale e tje si kjo nje shaka e tille per mua eshte mese e pranueshme sic homoseksualeve do t'i lejohej dhe ju eshte te lejuar te bejne shakate e tyre. Ajo qe bej thirrje eshte mos i fshihni mbas gishtit por perpiquni te luftoni me dinjitet sic ben cdo njeri per te drejtat e tij probleme ska vetem kjo pjese e shoqerise por te gjithe cdo shtrese i duhet kushtuar vemendja simbas kontributit qe jep ne shoqeri.

Zhgenjimi i Mustafait vjen

Zhgenjimi i Mustafait vjen ngaqe ka shpresuar me kot tek programi ne fjale. Perderisa ai konstaton se shume programe te tjera jane vulgare, The Voice of Albania nuk mund te jete shume me ndryshe.

Une them qe te qenit Gay nuk

Une them qe te qenit Gay nuk lind me njeriun por krijohet apo behet ne varesi te situates. nese para disa ditesh nje grua e semure me HIV lindi femijen e saj dhe doktoret bene te pamunduren qe femija e sapolindur te mos prekej nga kjo semundje gjate lindjes apo (dhe pas lindjes behen testime apo edhe kura qe semundja te mos preke bebin) pse mos te trajtohet dhe semundja Gay si nje dicka qe duhet te sherohet. Njerezit (edhe per me evolucionistet) nuk kane lindur nga majmune GAY (sepse skam degjuar te kete majmune GAY) - Zoti krijoi Adamin dhe Even dhe asnje nuk ishte GAY. Une nuk urrej njerezit gay se s'jane njerez - ama them se te qenit GAY eshte nje semundje shume e rende;Bota ne fillim ka qene shume e paster dhe me kalimin e shekujve njeriu e ka ndotur qofte me rritjen e industrializimit apo dhe me prodhimin e materialeve radioaktive apo shume shkaqeve te tjera por kjo s'do te thote qe degradimi i natyres po ndalon vetem sepse keto arsye na sherbejne neve per te jetuar me mire. Edhe semundja Gay - duhet te sherohet dhe jo meqe qenka perhapur kaq shume - ta justifikojme apo dhe ta shenjterojme - ne mos do vije nje dite qe s'do njohim se nga kemi ardhur.

edhe ti je goxha gallate

edhe ti je goxha gallate gjithashtu; gjithsesi duke i lene shakate - shqiptaret kane nje shprehje qe po te rrish me qorrin behesh cakerr - them qe kjo e perkufizon tamam se cfare desha te nenkuptoja me termin "semundje GAY"; 1 arsye tjeter sic thashe ne komentin tim me siper eshte qe une nuk besoj se GAY eshte dicka e lindur - hermafrodik eshte dicka e lindur - nje pyetje per ty me qe rra fjala: transvestitet si i konsideron ? po te shkojme me tej - a mendon qe njeriu mund te krijoje ndonje qenie si vetja e tij qe te jete i plotesuar nga cdo ane? une them qe me gjithe shpikjet e reja qe po provohen duke prodhuar ADN ne laboratore maksimumi do perfundojme ne krijimin e ndonje frankeshtajni qe s'do dime ta ndalojme - kur te jete shume vone.

Besoj se keto fenomene jane

Besoj se keto fenomene jane njohur qe ne lashtesi ku per te flet dhe bibla por dhe plot histori te tjera e kam thene me poshte nese secili mban pozicionin e vete ne shoqeri pa propaganduar si virtyte globale zgjedhjet e veta personale shoqeria do te jete ne pozicione me komode jeta sexuale e dikujt eshte e pa vlere per mua po aq sa eshte ajo e imja per cdo individ tjeter ne shoqeri nese shoqeria LGBT punon e jeton si cdo njeri tjeter pa propaganduar asgje qe ka te bej me jeten e tij sexuale ne vendin e punes ne shoqeri shkolle apo ku do qofte do jene me te qete.

Majmunet jane te famshem per

Majmunet jane te famshem per marrdhenie gay, e sigurt qe s`ke degjuar? Te pakten a ke kerkuar?

Na shpjego nje gje ti qe

Na shpjego nje gje ti qe paske qene atje kur zoti krijoi Adamin dhe Even. Cfare ngjyre kishin Adami me Even? Ishin te bardhe, te zinj, te verdhe, apo te kuq? Domethene sipas logjikes tende ka te pakten dy raca ne bote qe nuk jane natyrale dhe duhen zhdukur nga faqja e dheut. E sheh  pra qe nuk je vetem homofob, por edhe racist?

Une them qe Adami dhe Eva

Une them qe Adami dhe Eva ishin njengjyresh pavaresisht se ishte i bardhe apo i zi apo i kuq; kushtet qe kane rrjedhur qe nga fillimi e deri me sot kane bere qe ca te behen te kuq e ca te behen te verdhe - po te rrish tere diten ne diell do nxihesh (dielli stimulon aktivizimin e disa enzimave me shume se sa kur je pa te), po te rrish ne polin e veriut do zbardhesh. Une s'jam aspak racist - madje me pelqen qe ka kaq shume lloje ngjyrash - ylberi eshte shume i bukur me gjithe ndryshimet e ngjyrave qe ka!

Sa per dijeni, kundershtaret

Sa per dijeni, kundershtaret me te ashper ndaj homoseksualizmit dhe puritanet me te paepur si puna e Jason ketu vuajne me shpesh dhe ne menyre serioze nga Ajo qe quhet "Latent Homoseksualizem" (apo Hidden) dhe ketolloj komemtesh Jane simptomat e te qenit ne " total denial".

nese une do isha nga keta

nese une do isha nga keta personat qe thua ti - latent homoseksualizem - ath ky do ishte vendi me i pershtatshem qe une ta demostroja kete gje (aprovimin per homoseksualet ) sepse ketu asnje nuk e di se me ke po bisedon apo se kush eshte ai person; por kjo sdo te thote qe meqenese jemi njerez te lire te bejme cfare te duam dhe te shkojme deri ne ekstrem - zakonisht kerkimi i esktremit te con ne demtim te qenies si njeri

Ti se kuptoke termin "latent"

Ti se kuptoke termin "latent" mor mik dhe sja vleka me harxhu kohen me individe te tille. Konceptet qe ke hedhur ne kete forum nga ana tjeter nuk jane shume te ndryshem nga ato te talibaneve ne afganistan.

me vjen mire qe paskemi

me vjen mire qe paskemi njerin qe qenka bere njesh me talebanet dhe qe i njihka ata

Per informacion, qe nga 17

Per informacion, qe nga 17 maji 1990, Organizata Boterore e Shendetesise (OBSH) e ka hequr homoseksualitetin nga Klasifikimi Nderkombetar i Semundjeve. Nje veprim deri diku i vonuar dhe i penguar nga ndikimet e politikave konservatore.Nese ka mendime ndryshe mbi kete ceshtje, ndoshta argumentet mund te paraqiten tek ekpsertet e OBSH-se, por pergjithesisht ata jane mjaft te matur ne veprimtarine e tyre me natyre njekohesisht humanitare dhe shkencore.

Ne nje vend ku pallatet

Ne nje vend ku pallatet ndertohen me leke droge e prostitucioni dhe ku pasuria vihet duke mbledhur ryshfete e duke hapur pika bastesh, eshte e kuptueshme qe e pamoralshmja perkufizohet ne baze te orientimit seksual. Per te qene i moralshem ne Shqiperi mjafton te jesh hetero.

Se Sidriti nuk e beri

Se Sidriti nuk e beri komentin me ndonje tendence nuk do argumentim, dhe pikerisht kjo mund te jete shqetesuese.Po te ishte bere me qellim, do ishte me e lehte (absurdi kete e ka).Ne South Park secilin episod tallen me Hebrenjet  (qellimshem), dhe nuk ka kurfare shqetesimi serioz nga ana e Hebrenjeve.

South park eshte nje program

South park eshte nje program humoristik ku vihEn ne loje pikerisht fenomene te tilla si intoleranca dhe homophobia. E keqja qendron pikerisht se thenie si puna e ketij Sidritit tregon per nivelin kulturor te tij dhe fakti qe nuk eshte tendencioz tregon pikerisht per honin e thelle kulturor e mungesen e emancipimit te individit dhe shoqerise shqiptare. Individe si puna e ketij nuk mund ta kuptojne se preferencat seksuale te gjithkujt nuk Jane ne doren e Sidritit dhe as semundje nga Zoti qe dikush Ketu deshiron edhe "ti sheroje".

Pajtohem plotesisht me

Pajtohem plotesisht me mendimin tuaj Mustafa! Qyteterimi, civilizimi, modernizmi nuk kane brire; eshte toleranca dhe pranimi i te Ndryshmes qe i dallon ato nga e vjetra dhe konservatorizmi!

Mustafa mire shkruan por keto

Mustafa mire shkruan por keto qe shkruan nuk pershtaten me Realitetin ...njerezit nuk kane pune , buke, shtepi ......dhe keto qe shkruan apo te tjere aty tek Top Channel-i apo edhe ne gazeta dhe televizione......te tjera jane jashte Realitetit Shqiptar, dhe keto qe shkruan ngjan me teper per studiot e BBC apo ZDF ...apo CNN ..se sa per Realitetin , pra eshte nje "tangellik" i tepert per Shqiperine......kjo lloj mbrojtje apo edhe sulmi....ne njefare menyre ngjan si F.Lubonja ( Ai nuk i Pelqente qe ishte Shqiptar  apo Himni apo Ismail Qemali etj.....Budallalleqe te kesaj NAtyre ) po per nje Krah tjeter .....por ne thelb te njejte si  "Qytetar Global".......ska lidhje fare , mos harro edhe ne Perendim , Milano, Paris, Londer, Ny keto lloj perversitetesh perbuzen po aq sa edhe ne Shqiperi me nje ndryshim sepse nuk e vrasin mendjen shume...........nuk u intereson dhe nuk kane kohe te merren me keto gjera....por jo se nuk i perbuzin keto lloj Perveristetesh......mbase edhe shume here me teper se ne Shqiperi prandaj keto lloj njerezish fshihen neper Metropole qe ta kene me te lehte per veten e tyre dhe ..sepse asnje nuk i njeh........NJeriu kur lind , Lind Mashkull dhe Femer i ka  ndare Natyra keto qe Kur Lind dhe nuk mund te dalesh dot kunder Rrymes se natyres.....por ndodh edhe keshtu.....

Me vjen turp ta them po

Me vjen turp ta them po populli yne eshte nder popujt me rraciste ne bote. Ne si popull jemi rraciste si per njerezit me ngjyre duke krijuar edhe humor me ta e duke i quajtur majmuna neper shfaqe humoristike si per te gjithe te tjeret qe jane ndryshe nga ne pra ketu perfshij edhe Gay-te. Dua te ve ne dukje vetem nje fakt se rracizmi eshte i lidhur ngushte me mos dijen e mos njohjen. Me friken nga e panjohura. Pra me nje fjale RRACIZMI + DISKRIMINIMI = INJORANCE

Urime per shkrimin z.

Urime per shkrimin z. Nano!Per fat te keq diskriminimi i seksualitetit ndodhet brenda cdo lloj forme tjeter diskriminimi, rracist, etnik, fetar etj. Ne te njejten kohe eshte treguesi me i pare dhe i thjeshte i mosdijes se individit. Seksualiteti eshte gjeja me intime e personit. C'me intereson mua, psh, se me ke e ndan shtratin George Michael. Njesoj nuk duhet edhe te me interesoje se me ke ben seks Sidriti, nese eshte monogam apo jo ( emrat jane thjesht shembuj pa paragjykim te ndonje forme).Por te perkasesh ne  grupin dominant, ne kete rast te jesh heterosexual, sigurisht qe te jep nje fare sigurie ne perballjen me shoqerine. Por pikerisht ketu fillon paradoksi i diskriminimit te heterove ndaj homove, sepse morali nuk na i lejon ta perflasim seksualitetin tone. Pra, kur nje heteroseksual i referohet seksualitetit te nje homoseksuali, behet thjesht i pamoralshem.Mund ta vazhdoja akoma analizen, por ne fakt doja vetem t'ju uroja, Mustafa Nanon, per shkrimin. Po nuk u diskutua ky problem, nuk mund te gjeje zgjidhje. Pra sa kohe diskutojme jemi ne rruge te mbare sepse thyejme tabute dhe perparojme shoqerine ne teresi.

Kjo eshte nje teme po aq e

Kjo eshte nje teme po aq e vjeter sa edhe njerezimi. Shijet seksuale kane qene te ndryshme ne kohe te ndryshme.Lesbizmi, homoseksualizmi dhe forma te ndermjetme te seksit njihen me kohe,por ne shoqeri te ndryshme ka pasur trajtime te ndryshme. Edhe ne Shqiperi si kudo tjeter kjo forme sjelljeje seksuale njihet qe ne kohet e vjetra  dhe nuk perben ndonje cudi.Tashme eshte pranuar edhe shkencerisht qe format e tjera te seksit dhe jo vetem heteroseksualizmi jane te lindura me njeriun ashtu si bukuria,zgjuarsia, dhe jane pjese te karakterit te nje personi te cilat nuk mund ti zgjedhim sipas deshires. Te persekutosh nje person me shije tjeter seksuale jo si e jotja eshte njesoj sikur te persekutosh nje jo te bukur si ty ,jo te zgjuar si ty nje jo te rraces tende gjera te cilat na i ka caktuar natyra ose jane dhurate nga Perendia. Shkurt homofobia eshte nje shfaqje e paster e rracizmit te tipit seksual. Ne shoqerine tone eshte e veshtire te jesh i nje rryme tjeter seksuale por nuk eshte kjo arsyaja e mjaftueshme qe te ndihen te huaj qytetare si edhe ne qe kontribuojne  me pune ,taksa dhe ne c'do aspekt te jetes ne kulture ,shkenca dhe kudo ka nevoje vendi, aq me teper ne nje shoqeri demokratike ku lirite dhe te drejtat e qytetareve jane te mbrojtura dhe njihen me kushtetute. Persa i perkete disa ideve qe i percaktojne shijet e ndryshme seksuale si jo natyrale atehere pse ndodhin ne natyren tone pasi edhe ata jane njerez te shoqerive tona dhe jo aliene. Jo natyrale dhe biles te denueshme jane pedofilia dhe incesti qe dihet sjellin shkaterrim dhe deformim te jetes njerezore. Nje lesbike ose homoseksual ndoshta edhe i -e kamufluar per shume arsye te kuptueshme munnd te jete shume thjesht nje i afermi yt apo nje miku yt ashtu si edhe nje heteroseksual rendesi ka c'far vlerash ke si njeri dhe jo cfare prirjesh seksuale ke pasi ato jane gjera thjesht te aspektit intim. Menyra si reagohet ndaj te "ndryshmeve " eshte tregues i emancipimit te nje shoqerie. Pra si perfundim te jetojme dhe te leme te tjeret te tjeret te jetojne.

JasonBourne sa per dijenine

JasonBourne sa per dijenine tende ka majmune gay, ka qen gay, ka edhe gjitare te tjere gay. Me gay dua te them homoseksuale sepse termi gay ka nje konotacion aspak biologjik por shoqeror. Per te gjithe ata qe mendojne se te jesh gay eshte semundje dua tju kujtoj se eshte rastesi biologjike qe edhe ju nuk jeni gay,per  mire apo keq. Po le te themi se eshte semundje. Cilat jane pasojat fizike,si diagnostikohet , si kurohet , si quhet ne fushen mjekesore. Ne shekullin e 19 e kuronin me metoda mesjetare duke u hapur vrime ne koke.  Une them se nqs homoseksualiteti eshte semundje atehere budallalleku e injoranca jane po ashtu semundje qe duhen "kuruar" dhe madje madje si  teper te rrezikshme se jane ngjitese.

diku nga fundi autori

diku nga fundi autori shkruante :Unë nuk i mbroj gay-të, as ngaqë ata janë gay, as ngaqë unë jam gay.me falni por nuk e kapa.

Pse mos te klasifikohet

Pse mos te klasifikohet homoseksualizmi si nje semundje psiqike !?.....

sepse nuk eshte semundje

sepse nuk eshte semundje psiqike

Mustafa, shkrim shume i mire.

Mustafa, shkrim shume i mire. Bejleri (dhe ata qe qeshnin) duhet se paku te kerkojne falje ne menyre publike, se nuk eshte shqiptimi i forte i "rr" ai qe te ben me burre. Pune bejleresh, vari teneqen...

I nderuari Mustafa Nano. Jame

I nderuari Mustafa Nano.Jame nga Kosova, gjegjesisht nga trevat tona shqiptare, ku popullata, nuk ka dite as cka jane gey, deri ne fillim te keti shekullit kur edhe ne kushtetuten e Kosoves mbrohet e drjeta e geyve edhe per tu martuar.Deshta te jape nje koment ne lidhje me kete.Jetoj dhe punoj ne Finlande. Jam me profesion Mjek-Patolog. ketu perveq tjerash mirem edhe me muzike dhe me aktivitete rreth organizimit te shqiptarëve në përgjithësi. jame kryetar i Lobit Shqiptar ne Finlande.Ne kontribut te mbarvajtjes te debatit , te cilen e hapet ne lidhje me frustrimin e popullates daj homoseksualve, deshta te komentoj garen ne mes te dy kandidatëve per president te Finlandes, nje nga te cilet eshte Gey i deklaruar, dhe i martuar me nje mashkull.Edhe ne kete vend nordik, ku demokracija dhe e drejta e njeriut eshte ne kulminacion, haptas verehen tendencat e degradimit te homoseksualitetit. Ndersa ne garen perfundimtare nga 8 kandidatet, dy te paret shkuan ne barazh, njeri, si thash eshte homoseksual, ka filluar gara parazgjedhore per raundin e dyte. Mund te them me plot bindje se Finlanda, gjgj, populli finlandez, ka fillua te ndahet ne tresh.Ne ata, qe deklaritivisht e perkrahin homoseksualizmin, e qe ne kete rast jane pake, por per hire se kandidati i tyre vjen nga partia e Gjelberve, athere duke e dite se keto parti te gjelberta, cdo here jane pjese e koalicioneve qeveritare, numri i perkrahësve po ritet.Ne grupin e dyte jane djthtistet "macho" qe nuk e perkrahin, perkundrazi, ne menyre te hapte e kundershtuan dhe e kundershtojne ligjin i cili ka hy ne fuqi, qe iu jep te drejte per martesen e homoseksualve.Ne grupin e trete, jane ata te cilet ne jeten e perditshme nuk kane asgje kunder homoseksualve, por e kundershtojne  qe nje i tille, te jete edhe President i Republikes Finlandeze, dhe ti perfaqeson ata ne bote.Edhe ketu haptas ne Tv, e edhe direkt ne pytjet e publikut shpesh perseritet pyetja, se me rastin e Dites se Pavaresise se Finlandes, me 6 Dhjetore, ku tradicionlaisht hapet balloja nga Presidenti me bashkeshorti(ë)n, Si do te duket qe Ballon per nderin e Pavaresise se Republikes, ta hape Gey-pari, bashkeshorti i te cilit eshte nje djale i ri, afer 35 vjet me i ri se Presidenti eventual, dhe eshte nga Equadori, dmth nuk esht as finlnadez?!Ky grupi i trete ka me qene vendimtare per perzgjedhjen e Prezidentit finlandez.Gjithashtu pytja tjeter eshte perfaqesimi i Finlandes, nga ana e Presidentit, ne shtetet dhe vendet ku Gey(homoseksualiteti) eshte krim, dhe ne baze te ligjeve te tyre, ata denohen?!Edhe ketu, haptas flitet per homoseksualiteti, dhe per homot, duke iu dhene e drejta e madhe , edhe ne praktike, dhe jo vetem me ligj.Prandaj, mendoj se ajo batute e Sindrit Bejlerit, ka qene ma teper, e drejtuar si batute, dhe ashtu duhet te miret, e jo si skandal. Sepse duhet ipet e drejta edhe kundershtarve te homoseksualitetit te folin haptas se jane kunder!Ne fund, nese nje gey, ka drejte edhe me ligj, qe te deklarohet dhe ne publik te thot se eshte gey(rasti i George Michael-it), edhe ashtu, ndokush tjeter ka te drejte qe haptas te deklarohet se nuk eshte gey.Ju pershendes, dhe ju cmoj shume, dhe jeni nje nder me te preferuarit ne boten e gazetarise dhe kriticizmit.Me nderime,Dr. Edmond Nushi,  Zavendës shefit te repartit te Patologjise ne Spitalin Qendrore te Vaases.Vaasa, Finlande.

Toleranca dhe bashkejetesa

Toleranca dhe bashkejetesa mes te ndryshmeve eshte qytetari, po Sidriti nuk besoj se shprehu opinionin e tij thjesht u mundua te  "fitoje pike" ne sy te "burrave ". Per mua ishte tejet e shemtuar .Ne vitin 2003 ne Viene une dhe disa kolegeve te mi na eshte dashur te ndalemi ne nje veranden e nje bar-kafeje ne bulevardin qendror te qytetit sepse bulevardi ishte i bllokuar nga komuniteti gay dhe gjithe variacionet e tjera . Po manifestonin paqesisht me leje , per rreth nje ore per te drejtat e tyre. Ishte hera e pare ne jeten time qe shikoja nje gje te tille. Une jam tradicionale dhe konservatore po sinqerisht nga ajo dite nisur nga ajo pjesemarrje masive e frikshme per nga numri ,nga toleranaca e atyre qe manifestonin dhe e atyre qe te detyruar u izoluan per te kaluar rrugen , e ndoqen kete marshim,kam ridimensionuar qendrimin dhe sjelljen time per kete komunitet. Ata te jetojne jeten e tyre dhe ne tonen . Nuk jemi ne kete bote per te gjykuar,kete rol  e ka vetem zoti. Kenedi per racizmin ka thene:njerezit jane te lire te paragjykojne kedo por nuk kane te drejte tua bejne te ditur atyre kete .Mendoj se eshte aktuale per cdo lloj racizmi .

Mire e ke ti Edmond Nushi po

Mire e ke ti Edmond Nushi po ne kendej jemi komplet moderne nuk jemi komplet mesjetare si ju ne Kosove dhe gjysem komplet si ata ne Filande. Vdesim, e nuk rrime pa i vene ne praktike ato qe kemi lexuar ne librin e kendimit ne shkolle fillore per “mesjeten” dhe “modernen” kur kullosnim dhite shkrep me shkrep e breg me breg. Durim per ju edhe per ne, se e afert eshte dita kur te komandohemi nga transgender. Pastaj ne e kemi tregu me fakte sa moderne jemi kur u  komanduam per 50 vjet me rradhe nga nje modern i dyshuar per pune te mbrap-shta ne France.<o:p></o:p>

ke harruar te shtosh : dhe po

ke harruar te shtosh : dhe po pergatitemi te udhehiqemi prape me 2013 nga nje person qe ka bere pune te prapme ne France... :) Si i bie, qe nuk i kemi qefe pedet ne TV apo ne shoqerine tone, por i duam me doemos ne krye te qeverise!!!

Te merremi vesh per nje gje

Te merremi vesh per nje gje Muco, ju lutem. E ke me homofobet, apo me show-n ? Ndaj me ju qendrimin per gays dhe vleresoj gjithashtu perkufizimet tuaja per qasjen qe ne kemi ndaj gays ne Shqiperi. Me falni, por nuk e kuptoj pse spektakli u be i keq pasi Sidriti paska thene ashtu?

Muci nuk Mendon qe edhe te

Muci nuk Mendon qe edhe te jesh Homofobik eshte nje e drejte e individit dhe qe nuk mund tja imponosh te kunderten, fundja nuk eshte e denuar ligjerisht. Eshte Homoseksualizmi i cili pervecse nuk promovon ndonje lloj vlere tenton te imponohet me ane te Diskriminimit dhe viktimizimit mediatik.  Nqs thoni qe Homoseksualizmi eshte nje vlere qe ne na duhet per tu qyteteruar do te thoja qe na mungojne shume te tjera bazike se sa kjo e qe kerkojne me shume vemendje se sa i eshte kushtuar kesaj  teme.

po keli pastaj ca te tha?

po keli pastaj ca te tha? Cfare muhabetesh jane keto, pffff

Z.Nano me lart : "...e nje

Z.Nano me lart : "...e nje pjese syresh kishin pasur kohen...". Na ke ofenduar me siperisht se Sidriti per gay-et. Shume pordhellek ndaj 'konsumatoreve' te kolumnave te Tua ! Respekti eshte reciprok , thone.Dikur kam thene ne kete blog , por per dike tjeter qe sot e meritoni Ju ; ' pordhat e medha grisin breket e reja te bythes qe fshehin ' ! Keqardhje !

"Syresh" do te thote "cileve"

"Syresh" do te thote "cileve" - "...nje pjese syresh..." do te thote "...nje pjese e te cileve..."! Meso shqipen dhe do te ndihesh me pak i ofenduar.

Avokat 'anonim' nuk jam

Avokat 'anonim' nuk jam ofenduar nga fjala 'syresh', por nga fjalia ku jemi perfshire dhe une e ti si te ngeshem qe merremi dhe me komentet e article-ve e kolumnave .Lexo shkrimin dhe 'perkthe' komentin. Me fal, por je ngutur caze...

Orientimi seksual nuk duhet

Orientimi seksual nuk duhet te beje qe dikush te urrej nje person ne kulm. Muci , Qe eshte devijim nga e pergjithshmja ,absolutisht qe nuk vihet ne diskutim. Se eshte e lindur apo e fituar ju takon shkencetareve te gjenetikes te pergjigjen . Nuk mendoj se duhen diskriminuar, tallur ne forma te ndryshme. Ne fund te fundit eshte zgjedhja e tyre. Nu kam lexuar apo degjuar qe nje homoseksual te perdhunoje dike. Kjo per mua mjafton qe nuk jane te dhunshem. Se cfare bejne ata me trupin e tyre pak me intereson. Jetoj diku ne perendim dhe ka nje ligj qe te ndalon ti perbuzesh , ne te kundert perballesh me ligjin. Kam edhe kolege pune te tille qe jane njesoj te sjellshem  si te tjeret, ne mos me te sjellshem. Ama ligji nuk me shtrengon qe tju bej shoqeri. Mbaroj punen as nuk i pershendes ne rruge(thelle ne brendin time ,nuk i adhuroj)Per mua ata ekzistojne vetem 8 ore ne pune. Jam totalisht kunder adhurimit qe ju behet neper tv. Ne perendim. Ne fund te fundit shoqeria ska te mira prej tyre. Po te shohesh Evropen sot po vuan nga nje plakje e tmershme dhe padyshim qe homot apo lesbot kan ndikimin e tyre ne kete fakt. Mendoj qe mjafton shoqeria te jete indiferente ndaj tyre dhe ti lere rehat, kaq mjafton sot per sot ne shoqerine tone tradicionale shqiptare.

Do isha kurioz sa do te donit

Do isha kurioz sa do te donit koleget e tu  te te frekuentonin , per faktin qe je shqiptar.Ana tjeter e medaljes miku im.Edhe pse ti nuk ke asnje faj o merite pse je shqiptar , je,,,eshte rastesi.Racizmin dhe diskriminimin ne e dime mire se c'fare eshte..Qe shoqeria njerezore nuk ka pasur te mira prej tyre  gabohesh ,sepse injoron Da Vincin, Mikelangelon, Aleksandrin e madh,O.Wilde ,Perandorin Adriano,Prustin....Besome njerezimi do ishte me varfer pa ta.

More zoti M.Nano. Nuk

More  zoti M.Nano. Nuk arrij te te kuptoj se persee mbron kaq me zjarr perversitetin njerezor ?Dhe je kaq i flakte ne kete  avokature,sa qe je gati (ne mos gabohem),te krijosh  ndonje organizate te fuqishme te Gejve,aq sa te konkurosh edhe Kuqe Zinjte . Ti je gazetar i talentuar dhe me pervoje.Je ze i fuqishem ne gazetari,qe ne  lexuesit te cmojne.Shqiperia ka nevoje sot per njeres te mencem,per ata qe shpesh quhen "truri i kombit".Por Shqiperia ka kaq shume halle sot,sa qe ti  behesh qesharak ne trajtimin  e shpeshte dhe kaq te holle e te njeanshem me gejte.Ashtu sic ke ti mendimet  e tua per gejte,ashtu kane dhe te tjeret,si rasti i  Sidritit.Pse u dashka t`i hidhesh "ne fyt" ketij njeriu,se guxoi ta thote mendimin e tij,ashtu si e ka,apo  se ka tjeter kendveshtrimi per kete problem ?! Une them me gojen plot , qe ne kete pike (avokatura e reklamimi i gejve),ti nuk je hic ne rregull. Po si more,merr guximin dhe na i shet per kulture e qyteterim perversitetin ? !    Atehere na m,betet qe kulturen dhe qyteterimin e vertete  ta trajtojkme si perversitet . Bota mbare,per te mos e "fyer"kete komunitet , e trajtonte si semundje,qe duheshin meshiruar,kurse tani  po i quan perversitet,devijim nga jeta e natyreshme e normale.Edhe kafshet,qe jane kafshe,iu permbahen ligjeve te natyres.Meqe ti je pajisur me kulture franceze,besoj e ke parasysh,qe ilumionistet franceze kishin idealin e tyre te pare "te drejtat natyrore te njeriut".   Nuk mjaftojne  mediat nga te kater anet,qe reklamojne me te madhe SEKS dhe vetem SEKS,gje qe ka rritur se tepermi shifrat e kriminalitetit,por tani  na doli nje fili e re ,qe po u fryn borijeve me te madhe,per kulturen e bythes,qe ne na paska lene kaq injorante.   Edhe nje here : Shqiptaret presin nga ty e nga te gjithja mendjet e ndritura,te hidhni drite per problemet jetike per shqiptaret,qe po degradojne cdo dite. Presin tu jepni mend  se si te dalim nga ky qorrsokak ku jemi futur dhe nuk po dalim  dot e mos na turbulloni me "luks"te tille.

qyteterimi eshte i treguar

qyteterimi eshte i treguar nga ana jone:  sa me shume liri i japim pedeve te perdorin bythen e tyre sic duan, aq me shume ne jemi qytetare modern, sepse nuk detyrojme kend te jetoj sipas modeleve te shumices. Kuptohet pedet prape ngelen, por ama ne s'kemi pse t'i biem ne qafe.mua per shembull, me bezdisin me shume ata fanatiket musulmane tek rruga e kavajes, sesa dy pede qe dalin per xhiro me doren ne qafe ne bulevard. Si i behet hallit?

Qendrimi yt eshte i drejte,

Qendrimi yt eshte i drejte, pavaresisht se cmendojme dhe pranojme ose jo kjo eshte ceshtje personale. Kur behet fjale per opinion publik dhe aq me teper ne nje show ku ska lidhje kjo teme kercet forte ky lloj humori pa kripe dhe homofobik. Pergjegjesia e asaj qe thuhet ne cdo televizion eshte zero.Akoma ne TV tona nuk shohim dhe degjojme ate qe duam realisht, qe nga emisionet e mengjesit e deri tek ato politike apo argetuese...

Z. Nano ! Nuk e kam ndjekur

Z. Nano !Nuk e kam ndjekur emisionin per te cilin flisni por po bej nje analize te gjate mbi frymen qe sundon debatin mbi homoseksualet.Studimet tregojne se ka dy faktore madhore ne percaktimin e homoseksualitetit apo sjelljeve te tjera seksuale: 1- Faktori biologjik 2 - Kushtezimi socialSipas shkencetareve raporti midis hormoneve mashkullore dhe atyre femerore  ne kohen e formimit te trurit tek fetusi orienton identitetin seksual te personit qe do linde. Ky nivel hormonal mund te ndikohet dhe nga sistemi hormonal i nenes, kostitucioni i saj gjenetik, patologjia, dieta e trajtimi mjekesor. Edhe stresi i pazakonte tek nena ndikon ne lindjen e homoseksualeve te neserm: psh statistikat tregojne se ne Gjermani numri me i larte i homoseksualeve ka lindur ne vitet e fundit te luftes II, qe perkon me bombardimet e aleateve.Komuniteti gay i ka pritur me ngazellim te rejat shkencore qe tregojne ndikimin biologjik ne sjelljen seksuale. Argumenti  i tyre eshte pra se homoseksualiteti eshte nje prirje e natyrshme e individit qe nuk duhet te pengohet. Konservatoret dhe fetaret i shohin me skepticizem keto te dhena shkencore per te njejten arsye: per ta eshte e pakonceputueshme qe Perendia ta beje njeriun me prirje te natyshme per te qene homoseksual. Por e verteta eshte se Zoti ben dike te kete gjenialitetin e Ajnshtajnit, kurse tjetrin te jete gdhu nga mendja; disa lindin me semundje te tmerrshme ndersa disa te tjere gezojne shendet te plote edhe ne pleqeri.Por pikerisht se fenomeni mund te jete i natyrshem, kjo jo detyrimisht e ben ate normal kur vjen puna e ruajtjes dhe zhvillimit te species. Pra mund te jete normal per homoseksualet, po, por nuk eshte normal nga pikepamja e sjelljes njerezore dhe vlerave shoqerore. Per dike prirjet kriminale jane po aq te natyshme sa c'eshte nevoja te pikturoje per dike tjeter. Nuk po barazoj ketu kriminalitetin me homoseksualizmin por vetem po them se fakti qe eshte i natyrshem nuk e ben ate detyrimisht normal.Psikologet disa dekada me pare e quanin semundje, dhe padyshim deshtuan t'i sherojne (sidoms ata te kondicionuarit shoqerisht), kurse tani jane me te suksesshem duke i ndihmuar njerezit te pershtaten me te.  Ju thoni se ata nuk zgjedhin te jene homoseksuale. Patjeter ! Madje mund te them se nje pjese e tyre, jo ata me te thekurit, do donin te shpetonin nga ky zakon (s'do mend qe homoseksualet jane e mendojne si ne, si komuniteti ku jetojne) e ndonje mjek thote se kane deshire te kene prirje homoseksuale po aq sa nje i semure mendor do te donte te degjonte zera ne vesh. Po nqs se nje pjese nga ky marzh individesh deshiron te sherohet nga kjo shtyse, si ja behet? Po nqs ndonje mjek deshiron t'ia jape kete ndihme, si ja behet? Do i jepni vetes te drejten t'i ndaloni te mendojne apo te veprojne ne kete menyre? Megjithate ky nuk eshte shqetesimi i komentit tim por dicka tjeter:Ju thoni duke perifrazuar Millin se ata kane te drejte te na imponohen.  Deshiroj te shpreh disa te verteta te hidhura dhe madje te tregoj cakun ku kane arritur homoseksualet ne imponimin e tyre (sipas logjikes qe jep ne kemi po ashtu te drejte t'iu imponohemi por une them se me te miret nga ne- hetero madje dhe homo qofshin- sinqerisht as mendojme te kundervihemi  por te ruajme te drejtat tona shoqerore. Me statistika homot vdesin shume me shpejt se sa heterot per shkak te nje sere semundjesh, kane probleme mendore qe shkojne nga depresioni tek psikozat, si dhe bejne vetevrasje me shume se heterot. Homot zene vend te pare ne ngacmimin dhe perdhunimin seksual te femijeve (statistikat policore ne bote deshmojne burrat homo kane joshur dhe abuzuar me miliona te mitur) . Zakonet jo te pastra seksuale dhe nje stil jete tejet promiskuoz ka ndihmuar ne perhapjen e murtajes se epokes, Sides, qe ka vrare jo vetem miliona viktima te saj, por edhe miliona te tjere qe e kane marre semundjen ne rruge te ndryshme si trashegimi tek femija apo transfuzioni i gjakut. Nuk mund te mohohet se sjellja e papapergjegjshme e homove ka shtuar kerdine e Sides.   Kjo epidemi duhej te shihej si skandal dhe burim turpi per komunitetin gay ndersa perkundrazi ka shtuar akuzat e aktivisteve anti Sida se jane heterot qe nuk kane bere mjaft per sherimin e Sides. Homot me postet apo miqte ne politike, me pozicionin e tyre trendi kane perfituar biliona dollare per spitalet, ilacet, kerkimet mjekesore etj (nuk po them pse i kane marre por qe jane shifra shume te shperpjestuara ne krahasim me financimin per semundjet e tjera nga te cilet vdesin shume e me shume njerez). Po te jap disa shifra per SHBA:Sipas Boston Globe dt 17 mars 2011, jane finacuar 100 bilion dollare qe nga viti 1971 kur Niksoni shpalli luften kunder kancerit. Ndersa kongresi aprovon mesatarisht 20 bilion dollare ne vit per luften kunder Sidas (1% e buxhetit federal). Pra afro 8 here me shume. Por nuk eshte puna ketu. Sa vdesin nga kanceri ne vit ne SHBA sipas American Cancer Society? Mesatarisht 570 - 580 mije vete. Sa vdesin nga Sida? Deri tani kane vdekur ne total afro 600 mije vete, pra mesatarisht 20 mije vete ne vit.Po t'i bejme llogarite sa eshte perkujdesi nga shoqeria per nje person qe semuret nga kanceri (per te cilin nuk eshte absolutisht faji i tij) ne krahasim me nje homo qe e ka marre semundjen me sjellje seksuale te papergjegjshme?  A i bie qe homoja perfiton 240 here me shume vemendje se sa i semuri me kancer? Lutem me ndihmo me llogarite se keni background inxhinier. Dhe lutem mos thoni se keto nuk jane gjera te bashkmatshme, se per nje arsye ose per nje tjeter kerkimi per sidan duhet te kushtoje me shume se sa per kancerin !!! Do isha krejt idiot e kriminel po te thosha se c'ka duhen kaq shpenzime per Siden por kur shoh shperpjestimin, nuk mbaj dot veten nga habia !E gjitha kjo nga nje virus qe mund te minimizohej me nje sjellje pak me te pergjegjshme. Por jo, homoseksualet vazhdojne te promovojne stilin e tyre te jetes ne parada krenarie madheshtore ne te gjithe boten.E verteta e hidhur eshte se homoseksualiteti eshte i demshem, jo evolucionar, i pashendetshem dhe jo etik.  Con ne semundje, mospershtashmeri, vetevrasje dhe semundje te tjera sociale. T'u thuash atyre qe e praktikojne se kjo eshte krejt normale, nuk i ndryshon dot efektet e tij te demshme. Mund madje te predikosh se kjo eshte natyrore, madje edhe se virusi i Sides eshte krijese e Zotit dhe nuk kemi pse nderhyme. Me vjen keq per hallin qe ka zene homot dhe trishtohem per humbjen e shendetit, jetes dhe lumturise se qenieve njerezore.  Edhe pse homoseksualiteti paraqitet si stil normal jete, kur keto karakterizime siperfaqesore e qesharake lihen menjane, zbulohet se ai eshte i demshem si per individin ashtu dhe per shoqerine ne teresi.Si ja behet per te lehtesuar vuajtjen e tyre dhe te shoqerise? Per ata qe e nisin jeten me normalitet,  joshjet dhe vlerat e shoqerise se tanishme mund t'i kthejne ne  homoseksuale te adaptuar. Pra nqs nje nga faktoret e fuqishem qe krijon homoseksualitetin eshte kondicionimi social, a nuk do te ishte mire ta ndryshohej ky kondicionim social? Nqs mas media do te keshillonte per pasojat e homoseksualitetit ndersa homoseksualet e thekur do te terhiqeshin ne skutat e tyre prej tabuse shoqerore, atehehere gjithjnje e me pak njerez, sidomos nga moshat delikate, do te perfundonin duke praktikuar kete stil jete. Ata qe ishin ne marzhe te sjelljes, do t'i ndihmonte te krijonin nje jete heteroseksuale. Pra ata qe nuk kishin tendence te natyrshme seksuale kurre nuk do te ktheheshin ne homoseksuale. Fakti qe homoseksualiteti pranohet sot ne shkolla si stil jete normal, ben gjithnje e me shume mosha te reja pre e ketij orientimi. Dhe homot aktive jane me predatoret dhe promisket ne gjuajtjen e moshave te reja.  Nuk e di a eshte me vend krahasimi por do te ngjante me promovimin e duhanit dhe droges per moshat e reja.  Homoseksualizmi shkurton jeten me shume se duhani dhe perdorimi okazional i droges. Megjithese  mund te pranohet fundja  e drejta e homoseksualeve qe te bejen si te duan,  shoqeria ne teresi nuk ka pse e miraton kete si norme morale. Eshte e kutptueshme dhimbja dhe tjetersimi qe ndjen nje homoseksual ne nje shoqeri heteroseksuale. S'mund te behet gje tjeter vecse te kihet dhimshuri per kufizimet apo problemet qe sjell ky lloj kushtezimi. Por nuk ka kuptim te genjejme duke thene se orientimi homo eshte krejt normal. Po te ishte keshtu ne nuk do te ishim ne kete bote sot, ne mbijetojme saje riprodhimit heteroseksual.  Ne nuk i tallim ata qe kane verem por ama as nuk kemi pse u themi te rinjve te angazhohen ne aktivitete qe te marrin verem.Une e di qe ka shume homo qe nuk jane dakort qe ky stil jete te quhet normal ne nje shoqeri te mire. Keta  njerez njohin kufizimet e tyre (ashtu sic ka secili nga ne nje gje apo ne nje tjeter) dhe bejne nje jete produktive, madje edhe me kuptim. Ata gjejne menyren te plotesohen pa qene nevoja te gjuajne si ujq per  partnere te rinj ne komunitetet rinore. Dhe sigurisht ata qe jetojne me takt dhe dinjitet jane per t'u respektuar. Edhe ndikimet biologjike qe bejne te lindin homoseksualet mund te shamngen me zhvillimin e shkences gjenetike ne nje shoqeri normale qe investon per jeten dhe nuk ka per me te shenjten vlere parane dhe perversitetin.  Pra mund te ndikohej ne rregullimin e raportit te hormoneve duke ndryshuar dieten apo trajtimin mjekesor te nenes etj. Ashtu si nje prind do te nderhyje qe femija e tij mashkull mos te marre teper hormone femerore sa te dale me organe gjentiale te gjymtuara apo steril dhe po ashtu qe dhe femra mos te dale gjysem mashkull per arsye te shtimit te androgjenit. Prinderve qe do u thuhet se po paraqitet ky problem ne balancen hormonale te femijes, do jene dakort te nderhyhet per aq siguri qe ka shkenca qe femija te dale normal dhe i shendetshem.Ne shkruajme ketu duke kujtuar se dime shumecka te rrethuar nga kompjuterat, ashensoret godinat e betonta, por nderkaq natyra ben pune  e saj aty jashte duke vepruar me ligjin e mbijeteses mbi gjenet tona.Gjenet me tendence homoseksuale te fshehura kane dale ne drite, ashtu si luani qe ha antilopen me te dobet ne tufe, ashtu dhe semundjet po korrin viktimat e tyre mbi kete komunitet. Shperthimi i komunitetit gay do te cojne ne rrenimin e tij pas lulezimit  me te paimagjnueshem. Mos lindja e pasardhesve dhe shoshitja i gjeneve gay ne  nje grup te caktuar shoqeror, do te jete dhe fakti me kuptimplote i paftesise se ekzistens se tyre derisa te shuhet influenca e tyre shoqerore ne nje cikel jo te larget por te pambarimte liberalizmi dhe konservatorizmi ne historine e kesaj bote.   Problemi eshte se promovimi i paturpshem im ketij stili jete ka krijuar nje kundershti ne shume burra e gra te kesaj bote te cilet nuk duan te pranojne qe homoseksualizmi te kerkoje te shkruaje epitafin e tyre por qe te merret sa me shpejt me te vetin.

Sa gjate e paske tjellur kete

Sa gjate e paske tjellur kete koment mor zoti Duka.Duket se jeni bere specialist ne keto fusha sociologjike.Dikur ishin rruge te pashkelura,ishin "fjale turpe" sic na thoshin gjyshet e gjyshrit.Tani gati po ligjerohet kjo pune me ligj.Kjo me kujtoi nje pjesez humori te humoristit te famshem, Bob Hope,  te TV-amerikan ne Los Angelos.Kur ai vendosi te largohet nga Los Angelosi, e pyeten Bob Houpin e famshem se perse po largohej nga qyteti i dashtur dhe ai u pergjigj: "Sa jetova ketu ne Kaloforni pederastia u be e lejueshme  me ligj,tani po iki se kam frike mos behet e detyrueshme!"

You are here

Homoseksualët janë target-i më i kollajtë për burrat namusqarë të Shqipërisë

Comments

Pages

Add new comment

Plain text