Thaçi-Tadiç, takim publik me bekimin e evropianëve ?
Presidenti i Serbisë, Boris Tadiç dhe Kryeministri i Kosovës, Hashim Thaçi, janë takuar disa herë bashkë (larg kamerave e gazetarëve), por gjasat janë që takimi i radhës të bëhet në publik dhe me një agjendë të paracaktuar. Gazeta “Zëri” flet për një takim të pritshëm midis tyre pas zgjedhjeve të 6 majit në Serbi me bekimin e evropianëve. Vendi? Në fushë asnjanëse, në Sarajevë.
Gazeta u referohet burimeve të saj në Komisionin Evropian, sipas të cilave Tadiç i ka shprehur baroneshës Ashton gatishmërinë për të ulur tensionet me Kosovën për ta marrë si këmbim ndihmën e evropianëve në mbajtjen e partisë së tij në pushtet. Me të marrë këtë informacion, gazeta shpjegon se ka kontaktuar fillimisht zyrën e shtypit të Ashton-it, e cila nuk e ka konfirmuar një gjë të tillë. Një përgjigje e ngjashme ka ardhur edhe nga Kabineti i Thaçit. Ndoshta mendojnë se ‘publiciteti’ i tepërt mund ta dëmtojë këtë takim.
Re.Pu
Comments
Takimi do te ishte shume
<p>Takimi do te ishte shume interesant. Nuk kam shume besim ne aftesite e Thaçit. Nuk me duket Sarajeva nje fushe asnjanse.</p>
Add new comment