Kontroll faktesh: Taksa e sheshtë dhe dyfishimi berishian i buxhetit

Ka mbi dy vjet që Berisha, sa herë mburret për efektet pozitive të taksës së sheshtë, thotë se ajo ka qenë faktori kryesor që ka dyfishuar të ardhurat e buxhetit të shtetit. Këtë gjë ai e tha edhe në takimin e fundit me komunitetitn e biznesit në Shqipëri. Por ç’thonë shifrat zyrtare të Ministrisë së Financave? Në faqen e internetit të saj (http://www.minfin.gov.al/minfin/Buxheti_ne_vite_1268_1.php) konstatojmë se të ardhurat e buxhetit të shtetit për vitin 2011 kanë qenë në nivelin 344 miliard lekë, ndërsa në vitin 2005 kanë qenë në nivelin 206 miliardë lekë. Pra rritja ka qenë vetem 62% dhe jo 100%, siç trumbeton Berisha e shumë të tjerë rreth tij. Ndërkohë, të adhurat e buxhetit në raport me Produktin e Brendshëm Bruto (PBB) kanë mbetur në nivelin rreth 25%. Pra rritja e të ardhurave të buxhetit shpiegohet thjesht vetëm me rritjen e PBB-së dhe jo me ndonjë përmirësim në vjeljen e të ardhurave. Korelacioni i të ardhurave të buxhetit me PBB-në ilustrohet në grafikun bashkëngjitur (ndërtuar me të dhëna nga World Economic Outlook, September 2011, në miliardë dollarë) Aty shihet qartë se PBB-ja (në vlerë nominale) u trefishua në periudhën 1998-2005, dhe të ardhurat e buxhetit gjithashtu u trefishuan.  Ndërsa në periudhën 2005-2011 rritja e PBB-së në vlerë nominale ishte 61%, ndërsa buxheti u rrit 62%...

E.Zaloshnja