K/ministri, k/polici, ministri: Arrestimi i Viktor Gushit, një sukses i jashtëzakonshëm!!!

Vrasja e arkëtares dhe plagosja e rojes së sigurisë në bankën NBG, është një krim i vrazhdë, krejt i papërpunuar e spektakolar, i bërë në mes të ditës, në prani të shumë njerëzve, në prani të kamerave që kanë filmuar , e i kryer nga një personazh i njohur i kriminalitetit urban (pasi u zbulua autori, u mor vesh se i njëjti person ka bërë krime të tjera gjatë katër-pesë viteve të fundit). Në këto rrethana policia do duhej ta qepte gojën e t’mos shiste dëngla. Por jo, pikërisht në këto rrethana, dënglat nuk kanë të sosur. I pari doli ai, kryeministri, që tha se arrestimi i Viktor Gushit është provë e veprimit energjik të policisë. Pastaj doli drejtori i policisë, Hysni Burgaj, dhe i vari vetes dekorata në qafë. Dhe në fund ka dalë ministri që na thotë: “Garantoj qytetarët se sa më shumë i sofistikuar të bëhet krimi aq më e fortë dhe e palëkundur do të bëhet ndërhyrja e strukturave të shtetit për të garantuar rendin dhe sigurinë dhe për të garantuar që vendi për çdo autor të veprave kriminale të jetë drejtësia”.

Re.Pu.