Emergjenca: Rama e Berisha polemizojnë në distancë

Në një shkrim të tijin që publikohet nesër në të përditshmet shqiptare, Edi Rama, pasi pickon kryeministrin, për të cilin thotë se “nuk kuptohet nëse tallet me popullin e me detyrën apo vërtet ka probleme të funksionimit të aparatit logjik kur flet me orë të tëra budallallëqe turpëruese”, përpiqet ta përfytyron lojën me porta të këmbyera, dhe thotë se “nesër ne vërtet nuk do të kemi një qeveri që të mund të shmangë përmbytje apo të ndalojë dëborën të bjerë, por ama do të kemi një qeveri që [do të reagojë] pa ia hedhur fajin Zotit, … pa i quajtur njerëzit në hall që ankohen as provokatorë as paniknxitës të paguar nga opozita, … pa i gënjyer shqiptarët në televizor për operacione në terren apo angazhim mjetesh që thjesht nuk ekzistojnë”.

Disa orë më parë, kryeministri kish “shkruar” editorialin e tij nga Korça, ku theksonte se “ky është operacioni me i gjerë i emergjencës civile marrë ndonjëherë në historinë e vendit”, se “nuk duhet të merret humbja e sinjalit të telefonisë për zhdukje familjesh”, se “gjer sot nuk ka asnjë të zhdukur, gjer sot kemi vetëm një viktimë nga hipertermia”, dhe se “deklaratat e opozitës i përgënjeshtron sot më mirë se çdo gjë tjetër situata aktuale në Shqipëri”.

Re.Pu.