Dominique Strauss-Kahn: Nuk ia fal vetes atë që më ndodhi

DSK është një akronim i njohur për të gjithë ata që kanë lexuar gazetat e kohëve të fundit. Është shkurtimi i (më saktë, inicialet e) emrit të politikanit francez Dominique Strauss-Kahn, i cili ish kreu i Fondit Monetar Ndërkombëtar deri në momentin që një shërbyese hoteli në Manhattan (hoteli Sofitel) bëri një akuzë të rëndë mbi të; e akuzoi se kish tentuar ta përdhunonte në dhomën e hotelit, gjë që më pas nuk rezultoi e vërtetë. Por ishte shumë vonë ndërkohë. DSK-ja ndërkohë kish dhënë dorëheqjen, dhe ish turpëruar publikisht, jo vetëm për shkak të akuzës, por edhe për shkak të pamjeve të tij me pranga në duar, që bënë xhiron e botës. Disa, ndoshta dhe ai vetë, kanë vajtuar në këtë rrethanë dhe një rast të humbur për të kandiduar për postin e presidentit të Francës përballë Sarkozy-së së dobësuar mjaft gjatë mandatit të tij të parë.

Dje DSK-ja dha një intervistë për kanalin francez TF1. Është e para pas shumë kohësh. Dhe tha gjëra interesante. Mohoi të kish përdorur dhunë mbi shërbyesen e hotelit të New Yorkut, mohoi të kish përdorur dhunë mbi femrat në ndonjë rast tjetër (një shkrimtare e gazetare franceze e ka paditur për të njëjtën gjë), tha se i duhet kohë për të reflektuar e për të vendosur lidhur me të ardhshmen (nuk i dha një ‘jo’ të qartë idesë së kandidimit në lojën presidenciale), i kërkoi falje gruas së vet, për të cilën nuk i kurseu lëvdadat e superlativat, tregoi se kish vuajtur shumë paradën para kamerave televizive me pranga në duar (ligji francez nuk e lejon këtë gjë), pranoi se marrëdhënia me vajzwn e re tw hotelit ish shumë më tepër se sa një gjë e gabuar, ishte një rrëshqitje morale, për të cilën atij i vjen shumë keq, dhe ka për t’i ardhur keq gjithë kohën, tha se ishte një rënie morale përballë gruas, fëmijëve dhe francezëve, të cilët kishin varur shpresa tek ai.

E.G.