Ç’po ndodh me Flotën Detare? Rikthehen hijet e Marrëveshjes së Detit me Greqinë

Një mori ndryshimesh kanë ndodhur në rangun e drejtuesve ushtarakt të vendit me dhe pa firmën e Presidentit Topi. Tre muaj më parë, ushtarakët e lartë, Kudret Çela, Arian Zaimi dhe Vladimir Qiriazi u liruan nga detyra me dekret të Presidentit Topi. Të tre këta janë në gjyq tashmë me shtetit. Pas shkarkimit, zëvendësimet gjithashtu duhej të bëheshin përsëri me dekret të Presidentit, por sipas “Shekullit”, Imami ka emëruar me urdhër të një tjetër ushtarak në vend të Kudret Çelës si Komandant të Flotës Detare. Gjatë kësaj periudhe, mësohet se është lëvizur edhe zëvendësi i Çelës, Kapiteni i Rangut, Artur Meçollari.

Një gjë e tillë, në radhë të parë pasqyron edhe një herë çarjen e madhe midis institucionit të Presidentit të Republikës dhe pushtetit ekzekutiv, ndërsa “Shekulli” ka hedhur sot në qarkullim dyshimin se ndryshimet lidhen me interesa më të thella se sa një vendim inatçor nga krerët e Ministrisë së Mbrojtjes. Sipas saj, Çela dhe Meçollari ishin kandidatët potencial për të marrë pjesë rinegociimin e marrëveshjes së detit me Greqinë. Vlen për t’u theksuar se Meçollari është lëvizur nga Kapiten i Rangut, në detyra pedagogjike si Shef Stërvitje në Komandën Doktrinës së Stërvitjes  

S.E.