Tushaj: S’kam dhënë leje të jashtëligjshme, më hetoni.

Një ditë pasi u akuzua në media se po i shmanget urdhrit të dhënë nga Prokuroria për arrestimin e tij, kryebashkiaku i Lezhës Viktor Tushaj ka hedhur poshtë akuzat. Në një reagim zyrtar, Tushaj sqaron se gjatë mandatit të tij si kryetar i Bashkisë Lezhë nuk ka dhënë asnjë leje ndërtimi jashtë ligjit ashtu siç pretendon opozita. Megjithatë Tushaj sqaron se është tërësisht i lirë të hetohet nga të gjitha organet hetimore duke hedhur poshtë spekulimet se ndaj tij është lëshuar një fletë arresti. Tushaj ka shtuar se të gjitha këto janë shpifje nga individë që kanë interesa përsonale, ekonomike dhe politike në Lezhë.