Tiranë, INUK shemb sot me eksploziv një ndërtesë në Vaqarr.

Inspektoriati Ndërtimor Urbanistik Kombëtar do të shembë sot me shpërthim të kontrolluar një ndërtesë shumëkatëshe në Vaqarr te ‘Ura e Beshirit’.

Aksioni i INUK zhvillohet në kuadër të projektit për zgjerimin e aksit Tiranë-Vaqarr për shembjen e objekteve të paligjshme në të dy anët e rrugës.

Për shkak të shembjes së godinës me shpërthim të kontrolluar, qarkullimi i makinave do të jetë i bllokuar nga ora 13:00-15:30.

INUK njofton se ndalimi i qarkullimit të automjeteve bëhet për arsye sigurie për shembjen me eksploziv të objektit.