Tensionet në veri, Gjermania dërgon forca speciale

NATO i ka bërë Gjermanisë një kërkesë urgjente për të dërguar sa më parë trupa ushtarake në Kosovë, sic raporton revista gjermane "Spiegel".

Trupat shtesë do mund të shërbejnë për një ndërhyrje të shpejtë, në veri të Kosovës aty ku ekziston frika e përshkallëzimit të situatës në kohën që do mbahen zgjedhjet në Serbi. 

Gjermania do të dërgojë në Kosovë 550 ushtarë nga forca operative rezervë (ORF), ndërsa si përforcim do të vijnë edhe 150 të tjerë nga Ushtria e Austrisë.

Në Kosovë momentalisht janë të stacionuar 5.800 ushtarë, 1.300 e të cilëve janë nga Gjermania. Ministri gjerman i Mbrojtjes, Thomas de Maiziere, e ka vlerësuar në shkurt situatën në Kosovë si komplekse, duke e cilësuar të paimagjinueshëm reduktimin e mundshëm të trupave të KFOR-it.

  Ballkanweb.com