Puglia, sekuestrohen 6 kuintalë marijuanë, arrestohen edhe 4 shqiptarë

Mbi 6 kuintalë lëndë narkotike u bllokuan nga forcat e “Guardia di Finanza” në brigjet e Puglias, pas vëzhgimesh e ndjekjesh që zgjatën mjaft kohë. 

Bëhet e ditur se sasia e madhe e marijuanës u kap në afërsi të plazhit “Torre Specchia”, ku u gjet edhe një gomone 6 metra e gjatë. Për shkak të avarisë së mjetit lundrues, personat që mendohen se janë trafikantë droge ishin në pritje të ndihmës, kur janë zbuluar nga forcat e rendit që po ndiqnin lëvizjet e tyre.

Në afërsi të vendngjarjes u kapën 4 persona, 3 shtetas italianë dhe një shqiptar me banim në Itali. 3 shtetas të tjerë shqiptarë u ndaluan gjithashtu, teksa me rroba të lagura po largoheshin me një furgon nga zona bregdetare.

Bëhet e ditur se droga vinte nga Shqipëria, me ndihmën e organizatave kriminale puljeze. Hetuesit po punojnë tani për të zbuluar gjithë rrjetin e shpërndarjes së drogës, që mendohet se kishte si destinacion veriun e Italisë. / Top Channel