Kukës, miu lë pa drita gjithë qytetin. OSHHE riparon pas 4 orësh defektin

Banorët e qytetit të Kukësit pasditen e sotme janë privuar nga mungesa e energjisë elektrike për disa orë.
 
Shkak për këtë është bërë një shkëputje e fidrave të njërit prej transformatorëve të Nënstacionin e Rexhepajve disa kilometra larg qytetit të Kukësit.
 
Sipas ekspertëve djegia e transformatorëve ka ardhur për shkak te rënies në rrjet të një brejtësi që ka sjellë edhe ndërprerjen e energjisë .
 
Megjithatë dëmet nuk kanë qenë të mëdha pasi ekspertet e Operatorit të Shpërndarjes së Energjisë kanë punuar për riparimin e defektit të shkaktuar, ndërsa energjia elektrike ka ardhur në orën 19:00 të mbrëmjes.