Kukës, luanin me armën, plumb në gjoks pa dashje djalit të xhaxhait.

Një ngjarje e rëndë ka tronditur Kukësin pasditen e djeshme, ndërsa një i ri vijon të luftojë me vdekjen në Spitalin e Ushtarak në Tiranë. Ai është plagosur nga kushëriri i tij, aksidentalisht në mal, ndërsa mësohet se derisa në vendin e ngjarjes ka mbërritur policia i plagosuri të ketë humbur shumë gjak.

Ngjarja ka ndodhur në fshatin Aliaj të komunës Surroi, ndërsa fillimisht është dyshuar për një vetëplagosje apo edhe ndonjë tentativë vrasjeje. Por ka qenë pikërisht, autori i kësaj ngjarjeje që ka treguar gjithçka ka ndodhur në mal, ndërsa dy kushërinjtë kullosnin bagëtitë.