Dy shpërthime me tritol për konflikt pronash, arrestohet i dyshuari

Dy shpërthime tritoli kanë ndodhur në Fushë Krujë gjatë natës. Policia e Fushë Krujës ka shkuar në fshatrat ku kanë ndodhur shpërthimet dhe pas disa hetimeve ka mundur të identifikojë dhe të arrestojë personin e dyshuar. Ilir Hykja është arrestuar si i dyshuar kryesor.

Burime nga policia kanë bërë të ditur për median se Hykja është vënë në pranga pas hetimeve të menjëhershme. Policia tha se nga hetimet ka rezultuar se shënjestrat e shpërthimeve kanë qenë biznese në pronat e të arrestuarit dhe kjo dyshohet se është shkaku kryesor i vendosjes së eksplozivit.