Dita Botërore e Ushqimit: Ende ka uri dhe varfëri

Teksa njerëzimi ecën me hapin e kohës, dhe në një kohë që njerëzimi ka thyer barrierën e shpejtësisë së zërit, pasi Felix Baumgartner ditën e dielë arriti shpejtësinë 1342 km/h pasi u hodh nga një lartësi prej 39 kilometrash, në Nju Meksiko, Bota përballet me sfidën e ushqimit dhe varfërisë globale. 

Në ditën Botërore të Ushqimit ky do jetë edhe fokusi i aktiviteteve, ku tema e këtij viti do jetë: “Kooperativat e agrikulturës – çelës i ushqimit të botës”. 

Oragizata për Ushqim dhe Agrikulturë e Kombeve të Bashkuara (FAO), thotë se kjo temë është zgjedhur për ta theksuar rolin e kooperativave, ose asociacioneve vullnetare të njerëzve, që punojnë së bashku për të mirën e tyre të përbashkët, në përmirësimin e sigurisë së ushqimit dhe në kontributin për çrrënjosjen e urisë. 

Sipas raportit të fundit të OKB-së për uri, që është publikuar këtë muaj, afro 870 milionë njerëz në botë, ose një në tetë vetë, në periudhën 2010-2012, ka vuajtur nga mungesa kronike e ushqimit. 

Sipas raportit, pjesa më e madhe e të uriturve, që janë afro 852 milionë, jetojnë në vendet në zhvillim, ndërsa 16 milionë njerëz, që nuk janë të ushqyer mirë, jetojnë në vendet e zhvilluara. 

Ballkanweb.com