Demokratët braktisin sërish Komisionin e Ligjeve

Deputeti Oerd Bylykbashi tha se Parlamenti nuk mund të vazhdojë punën pa u zgjidhur çështja e akuzave të Tom Doshit ndaj kreut të Kuvendit Ilir Meta: “Kemi të bëjmë me akuzat më të rënda për kreun e Kuvendit, Parlamenti nuk mund të vazhdojë pa u zgjidhur kjo çëshjte.”

Ndërsa kryetari i Komisionit të Ligjeve, Fatmir Xhafa, deklaroi se një kërkesë e tillë është absurde kur ka një hetim që po vazhdon nga organet e drejtësisë.

Pas kësaj, deputetët e opozitës janë larguar nga salla e Komisionit të Ligjeve, ashtu siç bënë edhe javën e kaluar.

Mazhoranca miratoi e vetme projektligjin për shërbimin e jashtëm.

/ Top Channel