Banorët protestë kundër ndotjes së uzinës: Do ta djegim me benzinë!

Banorët e fshatit Plug në Lushnje janë ngritur në protestë ditën e sotme, kundër një uzine e cila sipas tyre shkakton ndotje të ambientit.

Mësohet se banorët kanë nisur protestën e tyre mesditën e sotme, dhe janë vendosur para hyrjes së uzinës. Sipas banorëve, impianti i uzinës, shkakton ndotje të amibentit përreth dhe kjo është edhe arsyeja e protestës së tyre.

Ata shprehin indinjatën e tyre për këtë problem, ndërsa theksojnë se nëse nuk hiqet impianti në fjalë, do ta djegin atë me benzinë. Protesta e banorëve të Plugut, vijon që prej mesditës, ndërsa banorët shprehen se nuk do të ndalojnë atë pa marrë zgjidhje problemi në fjalë.