Aksioni antikanabis, asgjësohen 2225 rrënjë kanabis në Vlorë dhe Sarandë

Efektivët e Komisariateve të policisë në Vlorë dhe Sarandë kanë bërë të mundur gjetjen dhe asgjësimin e 2225 rrënjë bimë narkotike kanabis sativa.

Bimët e kultivuara janë evidentuar në disa fshatra të ndryshme të këtyrë rretheve. Përkatësisht janë gjetur të kultivuara 1800 rrënjë kanabis sativa në fshatin Gërnec, 125 në fshatin Shkozë dhe 300 rrënjë të tjera janë gjetur në fshatin Borsh.