Aksidenti në Mirditë, shkon në 3 numri i viktimave

Rritet numri i viktimave të aksidentit që ka ndodhur pasditen e 3 dhjetorit në aksin Rrëshen-Kalimash, afër fshatit Reps të Mirëditës.
 
Personi i tretë që ka humbur jetën si pasojë e plagëve të marra nga ky aksident, është Pashk Gjoka, bashkëshorti i Gjyste Tushës, që ka gjetur vdekjen e menjëhershme në aksidentin fatal.
 
Pasi është përplasur nga automjeti tip “Fiat”, Pashk Gjoka është dërguar në spitalin e Mirditës, e më pas në Spitalin Ushtarak në kryeqytet. Burri nuk ka mundur t’u shpëtojë plagëve të marra dhe ka humbur jetën përpara dy ditësh, pikërisht në Spitalin Ushtarak në Tiranë.