Krijohet qeveria e re siriane

Presidenti i përkohshëm i Sirisë, Ahmed al-Sharaa ka njoftuar krijimin e qeverisë së re siriane që sipas tij merr drejtimin e vendit në një periudhë të re në rrugën e tij drejt një të ardhmeje më rë mirë. Sharaa ka folur për një qeveri të ndërtimit dhe ndryshimit që do duhet të kryejë reforma.

Siguroj popullin e Sirisë se ne po nisim ndërtimin e një shteti të fortë dhe stabël që do të garantojë inetresat e kombit si të tërë dhe çdo qytetari

është shprehur ai.

Në kabinetin e ri ruajnë pozicionet ministrat e Jashtëm dhe të Mbrojtjes, Asaad al-Shaibani dhe Murhaf Abu Qasra, Hind Kabawat është caktuar ministre e Çështjeve Sociale dhe Punës, ndërkohë që Anas Hassan Khattab që drejtonte Shërbimin e Përgjithshëm të Sigurisë kalon ministër i Brendshëm.

Tri ditë më parë për integritetin e Sirisë u deklaruan edhe presidenti turk, Erdogan dhe ai rus Putin, që ngjan të jenë për momentin investitorë në zhvillimet në Siri edhe pse askush nuk e di me siguri se çfarë qëndron pas lëvizjes që përmbysi për pak ditë Assad.