13 vjeçari amerikan provon fuzionin bërthamor në shtëpi

Jackson Oswalt, një 13-vjeçar amerikan aspak i zakonshëm, në vitin 2018 u bë personi më i ri që arriti shkrirjen bërthamore. Djaloshi që kaloi nga pasioni te vidoelojërat, tek ai për shkencën, ishte frymëzuar nga Taylor Wilson, i cili po ashtu në moshë fare të re kishte ndërtuar një reaktor bërthamor. Shkrirja bërthamore është një proces tepër i komplikuar për një shkencëtar që eksperimenton në shtëpi. Procesi përfshin izolimin e dy ose më shumë bërthamave atomike, përpara se të kombinohen nën presion dhe nxehtësi intensive për të formuar një ose më shumë bërthama atomike dhe neutrone.

Rezultati përfundimtar është një çlirim ose thithje e energjisë, prandaj kjo teknologji shpesh shoqërohet me furnizim me energji elektrike.

Jackson kishte studiuar me detaje video eksperimentesh të tilla në Youtube. Jackson i belu në e-Bay mjetet që i duheshin dhe pasi dështoi disa herë përgjatë një viti përpjekjesh, ia doli ta përfundonte me sukses eksperimentin. Rekordi i tij u vërtetua nga Fusor.net, Konsorciumi Kërkimor Fusor me Burim të Hapur, më 2 shkurt 2018 dhe u konfirmua nga studiuesi i shkrirjes bërthamore, Richard Hull, i cili mban një listë të shkencëtarëve amatorë që kanë arritur shkrirjen në shtëpi. Jackson e bëri këtë vetëm dy orë para se të mbushte 13 vjeç dhe kjo e bëri pjesë të listës së Rekordeve Botërore Guinness.

Emri i tij do t’i binte në sy FBI-së, e cila dërgoi dy agjentë që kontrolluan shtëpinë e tij t'u siguruar që nuk kishte rrezatim të zbuluar nga eksperimentet e Jackson. Ai u ftua nga startup-et e energjisë në të gjithë vendin për turne dhe vizitoi një termocentral të ndarjes për të parë teknologjinë në veprim. Aktualisht ai punon në pajisje për laboratorë kërkimorë si Midjourney, dhe punë të tjera të reja që përfshijnë AI. Eeaktorët e shkrirjes bërthamore – teknologjia me të cilën Jackson po punonte në dhomën e tij të lojërave –vijojnë ende të shihen si zgjidhje afatgjata për energjinë e pastër, siç është ‘Dielli Artificial’ i Kinës.