Trump flet për përgatitjen e një takimi me Putin

Presidenti i ri i ShBA, Donald Trump, ka deklaruar se është duke u përgatitur një takim i tij me Presidentin e Rusisë, Vladimir Putin.

Lajmi referohet nga mediat dhe sipas Trump ka një vullnet të dyanshëm për të mbyllur konfliktin në Ukrainë.

Deri më tani propozimi i vetëm publik i presidentit të zgjedhur të ShBA për krizën ukrainase është shtyrja me 20 vjet e anëtarësimit të Ukrainës në NATO, por pala ruse ka refuzuar idenë teksa ka përsëritur se çdo rregullim për krizën duhet të konsiderojë situatën në terren.

Nga ana tjetër zëdhënësi i Kremlinit, Dmitry Peskov, ka bërë me dije se nga ekipi i Trump nuk ka ende një ftesë për takim.