Motori i ndihmës së shpejtë zëvendëson ambulancën

Në Turqi, ndihma e parë në raste aksidentesh do të jepet nga personel mjekësor që mbërrin në vendngjarje me motor. Motoçikletat kanë zënë vendin e autoambulancave, veçanërisht në zonat ku bllokimi i trafikut është i shpeshtë.

Rreth 60 të tilla u vunë në shërbim të qytetarëve në të gjithë vendin, duke asistuar rreth 500 të tillë.

Motoambulancat kanë një ndihmës mjekësor dhe një teknik të urgjencës mjekësore, të cilët i japin pacientit ndihmën e parë. Motoçikletat-ambulancë kanë pothuajse të gjitha pajisjet e disponueshme.

Në Ankara, dy motoambulanca ofrojnë shërbime të kujdesit shëndetësor nga ora 08:00 deri në 20:00.

Osman Eriklioğlu, një nga mjekët që punon në terren, thotë se ka rreth 10 raste në ditë dhe rreth 250 raste në muaj.

“Karakteristika që dallon ambulancat-motoçikleta nga ambulancat e zakonshme është aftësia e tyre për të arritur te pacienti më shpejt për t'i dhënë ndihmën e parë dhe për të bërë të mundur që pacienti të transportohet duke thirrur ambulancën nëse është e nevojshme”, thotë Eriklioğlu.