Ndahet nga jeta Martin Amis, djali i keq i letërsisë angleze

Martin Amis, shkrimtari që ridefinoi fiksionin britanik në vitet 1980 dhe 1990, me kritikat për kulturën e tabloideve dhe konsumizmin, ka ndërruar jetë në moshën 73-vjeçare.

Pas një beteje me kancerin në ezofag, ai u nda nga jeta në ditën e prezantimit në Kanë të një filmi të frymëzuar nga libri i tij “The Zone of Interest” (2014), i cili mban të njëjtin titull nga regjisori Jonathan Glazer.

I konsideruar si "djali i keq tmerrshëm i letërsisë angleze", ai është autor i pesëmbëdhjetë romaneve, kujtimeve shumë të vlerësuara (Përvoja, në 2000), eseve dhe koleksioneve me tregime të shkurtra. Ai u bë i njohur sidomos me të ashtuquajturën trilogji londineze - Money, Money (1984), London Fields (1990) dhe L'Information (1995).

Disa thanë se ai kishte "lindur me një stilolaps argjendi në gojë", për shkak të dy prindërve të lidhur fort me letërsinë: Sir Kingsley Amis (1922-1995), shkrimtar i njohur britanik, i shpallur kalorës nga Mbretëresha Elizabeth II në 1990 për "shërbimet e bëra ndaj letërsisë" dhe Jane Hoëard, një romanciere e njohur.

Kjo prejardhje e shtyu atë të fillonte të shkruante që në moshë të re. Në moshën 21-vjeçare, ai shkroi romanin e tij të parë, “Dosja Rachel”, i cili u botua në vitin 1973. Babai i tij e inkurajoi, por shumë shpejt tha se nuk mund ta lexonte.

“Ajo që po shkruaja nuk i interesonte. Në thelb, atij nuk i pëlqente letërsia moderne dhe preferonte poezinë në vend të romanit”. Në kujtimet e tij të bukura, Expérience  Amis flet shumë për të atin, vdekjen e tij, "për të cilën ne besojmë se jemi të përgatitur dhe nuk është e vërtetë".

Ndër botimet e tij të fundit është «Zona e interesit”, një satirë e vendosur në Aushvic. Romani tregon historinë e një oficeri nazist të dashuruar me gruan e komandantit të kampit të shfarosjes. "Zona e interesit" ishte termi i përdorur nga nazistët për të përshkruar zonën prej 40 kilometrash katrorë që rrethonte kampin e përqendrimit.

Në vitin 2008, « Times » e renditi Amis si një nga shkrimtarët më të mirë britanikë që nga viti 1945, me stil të spikatur dhe me një vepër kritike sociale shumë radikale.

Ai ka qenë dy herë në listën e kandidatëve për Çmimin Booker, i pari në 1991 për The Arrow of Time dhe i dyti në 2003 për Chien Jaune.