I kompleksuar nga "partia e rusëve" në Tiranë

Mediat serbe kur shkruajnë për Kosovën, nënvizojnë – e ahtuquajtura Republikë e Kosovës.

Edi Rama kur flet për Partinë Demokratike  na thotë: Një forcë që mban emrin e PD-së.

Për të shtuar mandej se PD-ja është një « forcë e parave ruse për të rrëzuar qeverinë”.

Të dyja palët që ndjekin modelin e mohimit politik e dinë shumë mirë realitetin politik në veprim, me të cilin ndërveprojnë dhe duhet të akordohen. Ndaj kjo loja e ndjekur se PD-së i mungon vula, ndërkohë që akush-kryetari mban një vulë në xhep dhe nuk ka seli, e ndërkohë që ky njeri, kryeministri, nuk ka mundur të mos komentojë primaret që i cilësoi si “përpjekje për përmirësim”, nuk ka emër. Me cilin regjistër ta konsiderosh këtë qyqar politik që rrotullohet i ziu e rrotullohet nëpër epikën e reformave të veta dhe përballë ka prapë Saliun dhe Ilirin që rrezik e nxjerrin ata në pension?

Njeriu mund të jetë serioz edhe në humbje, edhe në konfrontim, por z. Rama është mësuar që politikën ta ndjekë me variabël kryesor budallallëkun e shqiptarëve që mesa duket i përçmon shumë. Por që për ligjësinë e pakthyeshme të paradoksit i ka ata lëndë të parë të masturbimit të lavdisë që i shpik vetes përditë, të pasurimit që nuk fshihet më, por me gjasë nesër edhe të daljes nga skena me turp, nëse Saliu me primaret e veta sot konfirmoi se “forca që merr para ruse” ushtroi një veprim politik ku e ku më demokratik sesa e ashtuquajtura parti e progresit, PS-ja- që është parti e krimit.

s.zaimi