HRW i kërkon Kievit të ndalojë postimin e videove të robërve të luftës  

Human Rights Watch me qendër në Nju Jork u bëri thirrje autoriteteve ukrainase të respektojnë të drejtat e të burgosurve të luftës dhe të ndalojnë postimin e videove të ushtarëve rusë të zënë rob.

“Autoritetet ukrainase duhet të ndalojnë së postuari në mediat sociale dhe aplikacionet e mesazheve video të ushtarëve rusë të kapur që i ekspozojnë ata ndaj kuriozitetit publik, veçanërisht ato që tregojnë se po poshtërohen ose frikësohen”, tha Human Rights Watch në një deklaratë.

"Trajtimi i tillë i të burgosurve të luftës, ose robërve të luftës, shkel mbrojtjen sipas Konventave të Gjenevës që synojnë të sigurojnë trajtim dinjitoz të luftëtarëve të kapur nga të gjitha anët", theksoi ai.

"Platformat e mediave sociale duhet gjithashtu të sqarojnë nëse dhe si videot e të burgosurve që janë të papajtueshme me Konventat e Gjenevës e kalojnë filtrin e politikave të tyre ekzistuese dhe, nëse është e nevojshme, të zhvillojnë politika të reja për të identifikuar dhe shtypur përhapjen e një përmbajtjeje të tillë", thuhet në deklaratën e cituar nga TASS.