Greqia nxit vaksinimin me bonuse për bluzat e bardha

Ndërsa variant Delta po përhapet me shpejtësi në Europë, qeveria greke po nxit vaksinimin me shpërblim financiar. Qeveria greke po ofron bonuse për mjekët dhe farmacistët që kryejnë vaksinime kundër Covid-19, në përpjekje për të shpejtuar programin mbarëkombëtar të vaksinimit, raporton Kathimerini.

Ministri i Shëndetësisë, Vassilis Kikilias, njoftoi sot se atyre do t’u paguhen 10 euro për çdo takim vaksinimi.

Për më tepër, qeveria do t'i paguajë ofruesve të këtij shërbimi 20 euro për çdo dozë të injektuar në pikate vaksinimit dhe 50 euro për vaksinimin në shtëpi për njerëzit që nuk janë në gjendje të lënë shtratin për shkak të sëmundjeve apo invaliditetit.