Diga që do të mbrojë Europën nga ngritja e nivelit të deteve

Ndryshimi klimatik po përparon me hapa të shpejtë dhe pak po bëhet për ta frenuar. Një plan për një digë gjigante që do të mbronte 15 vende evropiane nga ngritja e nivelit të detit tregon koston e jashtëzakonshme me të cilën mund të përballet bota pas disa vitesh. Shkalla e projektit është e pashembullt. Kostoja e tij është fenomenale. Megjithatë, sërish është më e lirë se të gjitha alternativat - përfshirë të mos bësh asgjë.

Aktualisht situata është e tillë:

Temperatura mesatare aktuale globale është rreth 1 ° C (1.8 ° F) mbi nivelet para-industriale.

Rritja e temperaturave shkakton ngritjen e niveleve të detit, megjithëse kjo do të shohet më vonë. SLR (ngritja e nivelit të detit) mesatare globale është 18 cm  që nga viti 1880 dhe po përshpejtohet.

Politikat aktuale nënkuptojnë ngrohje të mëtejshme globale deri në 3.1°C deri në 2100, kështu që është praktikisht e sigurt që SLR do të vazhdojë përtej asaj date.

Rregulli kryesor: Për çdo ° C shtesë, pritet një SLR prej 2.3 m. Për shkak të efektit të vonuar, SLR deri në 2100 do të ishte 'vetëm' 1 deri në 2 m (3.3 deri 6.6 ft). Por deri në vitin 2500, mund të jetë deri në 10 m.

"Madhësia e këtij kërcënimi kërkon një zgjidhje që pasqyron shkallën e problemit," shkruajnë oqeanografët Sjoerd Groeskamp dhe Joakim Kjellsson. Në një studim të sapobotuar në Buletinin e Shoqatës Amerikane të Meteorologjisë, ata propozojnë ndërtimin e një Dige Mbyllëse të Evropës Veriore (NEED), e cila do të shkëpusë detet e Veriut dhe Baltikut nga Oqeani Atlantik, duke mbrojtur kështu 15 vende (dhe miliona të njerëz) nga rreziqet e ngritjes së nivelit të detit.

Logjistika ka përmasa marramendëse:

Në teori, NEED (nevoja) përbëhet nga dy seksione kryesore: NEED-South, një digë që lidh bregdetin Breton të Francës (afër Brest) me bregun jug-perëndimor të Anglisë. Është e gjatë 161 km, me thellësi mesatare prej 85 m dhe thellësi maksimale prej 102 m.

NEED NORD përbëhet nga disa pjesë, që lidhin tokën skoceze me Ishujt Orkney dhe Shetland, dhe prej andej në Norvegji. Gjatësia totale arrin në 476 km, me thellësi mesatare prej 127 m dhe thellësi maksimale 321 m.

NEED ka një gjatësi totale prej 637 km.

Vëllimi total është 36.2 km3, që do të kërkonte 51 miliardë ton rërë. Kjo është e barabartë me rërën që përdoret përgjatë një viti në botë.

Kostoja totale e NEED: Diku midis 250- 550 miliardë euro (270-600 dollarë dollarë).

Diga do të mbrojë komunitetet bregdetare në 15 vende, duke “shpëtuar nga lagia” 25 milion deri në 55 milion njerëz; në varësi të SLR, përkatësisht nga 2 deri në 15 m.

Duke krahasuar projektin NEED me zgjidhjet alternative, oqeanografët kanë arritur në një përfundim alarmues: "Një zgjidhje aq e konsiderueshme sa NEED mund të jetë një masë mbrojtëse e zbatueshme dhe me kosto efektive edhe për disa metra SLR".

Përkundër përmasave dhe kostos së paprecedent, NEED do të ishte mënyra më e lirë për të zbutur ngritjen e nivelit të detit.

E shpërndarë përgjatë 20 viteve, kostoja e saj do të arrinte në më së shumti 0.16% të PBB-së në total të 15 vendeve të përfshira.

Edhe nëse kostoja do të përballohej nga pesë vendet lokale që preken më shumë nga SLR (Britani, Holandë, Belgjikë, Danimarkë dhe Gjermani), ajo prapë do të arrinte vetëm në 0.32% të PBB-së së tyre në total.

'NEED - Diga mbyllëse e Evropës Veriore, projekti i Sjoerd Groeskamp dhe Joakim Kjellsson, u botua në Buletinin e Janarit 2020 të Shoqatës Amerikane të Meteorologjisë.