Rryshfet dhe korrupsion 3 mld dollarë. 32 të arrestuar në Arabinë Saudite

Autoritetet saudite kanë arrestuar 32 persona nën akuzën e korrupsionit dhe transfertave të parave që kapin shumën e 3.07 miliardë dollarëve. Njoftimi është dhënë nga Autoriteti Anti-Korrupsion, njohur si “Nazaha”, sipas të cilit çështja ka nisur fillimisht kundër disa punoënjësve të bankave që në këmbim të rryshfetit kanë pranuar depozitimin dhe mandej transfertën e shumave të mëdha të parave që nuk u dihet origjina.

Autoritetet deklarojnë se në “bandën e organizuar” bëjnë pjesë biznesmenë, mes të cilëve 5 janë arrestuar në flagrancë duke shkuar në bankë për të depozituar 2.61 milionë dollarë kesh. Autoriteti nuk ka sqaruar më tej se për cilët persona bëhet fjalë dhe për nivelin e implikimit, që duket se përfshin disa vende.