Presidenti i Republikës çon në Gjykatën Kushtetuese dosjen e Teatrit Kombëtar

Presidenti i Republikës Ilir Meta ka deklaruar sot në një konferencë për shtyp se ka depozituar në Gjykatën Kushtetuese padinë për VKM-në që transferon pronësinë mbi Teatrin Kombëtar në Bashkinë e Tiranës. Sipas Metës ky vendim dhe prishja e godinës aktuale do të cenonte disa parime kushtetuese duke dëmtuar trashëgiminë e përbashkët historike. Sipas Metës, vetë cilësimi i objektit me emrin Teatër Kombëtar e bën juridikisht të pamundur që një organ i pushtetit vendor, si Bashkia Tiranë, të vendosë për prishjen e tij. Më poshtë konferenca e plotë: