Turqia refuzon planin e NATO-s për mbrojtjen e vendeve balltike nga Rusia: Shpallni YPG si terroristë

Turqia është deklaruar kundër planit të mbrojtjes së NATO-s për vendet e Balltikut dhe Polonisë, nëse aleanca nuk do të japë mbështetje për Ankaranë në luftën e saj kundër milicisë kurde në Sirinë Veriore. Ambasadori i Turqisë në NATO ka refuzuar të firmosë planin e propozuar duke ngritur në nivel informal kërkesën që milicia kurde të klasifikohet si organizatë terroriste.

Qëndrimi kundër i Turqisë vjen pak para samitit të Londrës ku do të kremtohet 70 – vjetori i krijimit të Aleancës, ku vendet anëtare do të kërkojnë miratimin e planit mbrojtës për Poloninë, Lituaninë, Letoninë dhe Estoninë në rast të një sulmi nga Rusia.