Minishengeni, një përrallë pa faturë. Jaka: Vendet e rajonit refuzojnë produktet shqiptare

Kryeministri i vendit vrapoi pak javë më parë në Novi Sad për të firmosur të ashtuquajturin Minishengen Ballkanik duke shpallur se “ne nuk kemi pse të presim Europën”.

Mirëpo ky bashkim siç ka rezultuar është miratuar nga Shqipëria si një projekt politik për të cilin qeveria nuk ka bërë asnjë sqarim se çfarë përfitohet konkretisht nnë planin ekonomik. Deri më tani hapur kundër këtij  projekti ka dalë vetëm Kosova  që ka ngritur argumente mirëfilli ekonomike.
Mirëpo edhe në Tiranë qeveria e z. Rama duket se nuk ka bërë ndonjë konsultim me biznesin përderisa kreu i Dhomës së Tregëtisë Nikolin Jaka, përmes një interviste për TvT thotë se mallrat shqiptare refuzohen nga vendet e rajonit. 

Mjafton të zbatohet CEFTA minishengeni të jetë i implementueshëm. Por mos të harrojmë se Shqipëria sot bllokohet në çdo vend të rajonit të Ballkanit Perëndimor për të dërguar produktet e saj. E bllokon Maqedonia, e bllokon Mali i Zi, e bllokon Bosnja. Pra i vetmi vend ku ne mund të shkojmë pa pe pengesa, sidomos për produktet me origjinë shtazore është Kosova. Serbia nuk i pranon produktet e Kosovës. Dhe për aq kohë sa nuk i pranon është normale që edhe mallrat e saj të mos pranohen. 
Maqedonia në pikun e sezonit bllokon domaten shqiptare dhe fillon me historinë e analizave të pesticideve. Deri më dje, kur nuk kishte domate vetë, domatja shqiptare ishte më e mira

Argumenti i z. Jaka është shumë i kuptueshëm: përpara se të firmosim dokumente pompoze, kujdeset kush për interesin tonë? Të paktën në këtë rast nuk është media që po shpif, por përfaqësues të biznesit që po thonë se pas fjalëve të bukura të Vuçiç dhe Zaev qëndrojnë interesa ekonomike të cilat kur vjen puna te shqiptarët mesa duket pakkush kujtohet t’i mbrojë.